ياسمين عبد العزيز: كنت برفض اخد مصروف من جوزي لأني اتعودت ادي

فجرت الفنانة المصرية ياسمين عبد العزيز عدة تصريحات خلال حلولها ضيفة على برنامج صاحبة السعادة من تقديم الإعلامية والفنانة ياسمين عبد العزيز.

ياسمين عبد العزيز تكشف عن طبيعة علاقتها بأزواجها

وقالت ياسمين عبد العزيز في تصريحات يرصدها تحيا مصر: لما جوزي كان بيديني مصروف كنت برفض لاني كنت متعودة اني انا اللي بصرف على نفسي وبدي وعمري ما اخدت.

ياسمين عبد العزيز تتحدث عن طفولتها

وتابعت ياسمين عبد العزيز: كنت بروح المدرسة كله عارفني والعيال بيتلموا حواليا مبعرفش امشي فشغلي خد مني طفولتي وحريتي. 

وأضافت ياسمين عبد العزيز، كنت بترفد كل أسبوع وأمي متعرفش بسبب شقاوتي كنت بروح بجينز بدل الجيبة وبقلع الجرافتة. 

تصريحات ياسمين عبد العزيز 

هذا وقالت ياسمين عبد العزيز: كنت مركزة في راسى إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وأنا عندى 12 سنة، امى كانت بتيجى معايا التصوير، وأنا اللى كنت بأتفق على كل حاجة وعلى الفلوس، وأنا اللى بقول هعمل إعلان إيه بالظبط".

تصريحات ياسمين عبد العزيز 

وتابعت، بدأت الإعلانات وكان عندى 12 سنة، وكنت بحب أتفرج على الإعلانات وأتفرج على البنات وكنت أقعد أقلدهم وأعمل زيهم، ودايما في حاجة لما يكون نفسك في حاجة بتخيل نفسى في الحاجة اللى عوزاها".

ياسمين عبد العزيز تكشف مفاجأة بشأن عودتها لأحمد العوضي في صاحبة السعادة|تفاصيل

قرفتونا في عيشتنا.. إسعاد يونس توجه رسالة للفنانة ياسمين عبد العزيز وأحمد العوضي

وأضافت، "سبحان الله كان في صديقة لوالدتى اسمها دينا بتشتغل في شركة إعلانات، وكانت هي سبب بعد ربنا في بدايتى في الإعلانات، لأنها لما شافتنى عرضت عليا إنى أعمل إعلانات فقلت لها آه طبعا، امى كانت موافقة لكن والدى واخويا الكبير مكانوش موافقين.

وقالت إسعاد يونس خلال تقديمها ياسمين عبد العزيز: بدأت وهي طفلة صغيرة والجمهور ابتدوا يتوقعوا منها توقعات لأدوارها ويستنوها لما تكبر ويتابعوها وكأنها بتتربى في حضنهم بكل مراحلها، شوفناها بتطور ازاي وبتشتغل ازاي وبتاخد خط مختلف عن اي خط تاخده بنوتة حلوه هي مش بس بنوته حلوه هي تركيبة شكلًا حلوة ومخًا حلوة وتعبيرات حلوة، عندها قبول اكنها بتقيس درجة حرارة القبول وبتظبط معاه لحد ما بقت نجمة سينمائية مختلفة واصبحت اسم الناس بتخشله رغم انها ست  ودي حاجة كنا بنعاني منها.. اتربت وسطنا وجت عملت خط تاني لوحدها وبدأت تعمل افلام ليها جماهيرية واضحة وليها نوع من الانحياز في مختلف الفئات لان ظهورها ارتبط بالذكاء، خليني اختصر كل دا واقول ان التحفة الفنية والغالية هي ضيفتنا ياسمين عبد العزيز.