هشام ماجد يحتل المركز الثالث في شباك التذاكر بفيلم فاصل من اللحظات اللذيذة

احتل فيلم فاصل من اللحظات اللذيذة بطولة الفنان هشام ماجد، المركز الثالث أمس الخميس الموافق 2 مايو، بايرادات بلغت 660 ألف جنيه.

أبطال فيلم فاصل من اللحظات اللذيذة 

ويشارك في بطولة فيلم فاصل من اللحظات اللذيذة الذي يرصده تحيا مصر، كل من: هشام ماجد، هنا الزاهد، محمد ثروت، بيومى فؤاد، والطفل جان رامز وآخرين، والعمل من تأليف شريف نجيب وإخراج أحمد الجندى وإنتاج أحمد السبكى.

هشام ماجد يتألق في مسلسل أشغال شقة 

وتألق هشام ماجد في السباق الرمضاني المنصرم بمسلسل أشغال شقة بطولة هشام ماجد، أسماء جلال، شيرين، سلوى محمد علي، محمد محمود، انتصار، نهى عابدين، رحمة احمد، وغيرهم، والمسلسل من تأليف خالد وشيرين دياب، وإخراج خالد دياب، وتدور أحداثه في إطار كوميدي اجتماعي تشويقي حول زوجين ينجبون طفل ويبدأون معاناتهم معه حيث تعاني اسماء جلال من التربية وعدم معرفتها كيف تدير حياة أسرة بها طفل بينما يعاني زوجها من تصرفاتها الغريبة، واحداث العمل ظهرت اقرب للواقع بشكل كبير.

تصريحات هشام ماجد 

من جانبه، قال هشام ماجد: وقت لما كنا بنعمل رجال لا تعرف المستحيل كنا بنهزر ومكنتش أتوقع إننا نوصل لكل ده، لأن عمري ما كان حلمي إني أكون ممثل، بس مع الوقت بتكتشف جواك مواهب مكنتش عارف إن هي عندك، وابتدينا في الجامعة نعمل رجال لا تعرف المستحيل وانتشر جدا وكنا بنعمل أفلام قصيرة، ومن فيلم للتاني حبينا الشغلانة وبدأنا نشتغل على نفسنا، وإحنا أول ناس تعمل السينما المستقلة بكاميرا فيديو.

وتابع: اتخرجت من هندسة وابتديت اشتغل مهندس ونسيت التمثيل شوية، لغاية ما جت فرصة في التانية وكنت بعمل الأفلام دي وأنا لسة في الهندسة، لغاية ما اكتشفت إن التمثيل هو الكارير بجد، والموضوع مش مجرد هزار، ده هيبقى أكل عيشي فعلا، فـ سبت هندسة وبدأت أركز في التأليف والتمثيل.

وأضاف: فيلم ورقة شفرة ده بعتبره ابني البكري، وفي العرض الخاص بتاعه، مكنتش مصدق إني شايف نفسي على شاشة كبيرة قدامي وبقول هي الناس دي بجد بتتفرج وبيضحكوا بجد ولا بينافقونا؟ وكان إحساس غريب لما الناس بدأت تسقف، فالفيلم ده كان أغلى فرحة عندنا في كل أفلامنا.

هشام ماجد: في 3 مشاهد خلوني عايز اعمل مسلسل أشغال شقة.. وتسريحة الشعر كانت مضايقاني

أخرها فاصل من اللحظات اللذيذة.. أعمال هشام ماجد تطير من الواقع إلى الخيال بامتياز (تقرير)

واستطرد: مُقل شوية في التأليف لـ غيري، عشان خلاص بقيت عايز أعمل حاجات لنفسي، فالتأليف لحد تاني بياخد وقت كتير ومجهود ذهني كتير، وبيبقى في تضارب مصالح، يعني ممكن أكون بكتب وألاقي إيفيه عجبني، أقول طب ما أنا اللي عايز أقول ده، فركزت مجهودي في التأليف لنفسي.

وأردف: أنا وأحمد فهمي كنا كاتبين جزء من فيلم بوشكاش قبل ما نعرف إن محمد سعد اللي هيعمله، فلما عرفت إننا هنعملهوله، فرحت فرحة غير عادية، أنا بحبه وهو قعدته حلوة، ودخلتله فيلم بوحة 3 مرات.

وأوضح: بس ساعتها محمد سعد قالنا الفيلم ده مش هيتكتب كدة، إحنا نطلع إسكندرية، وفعلا طلعنا وفضل كل يوم يجيبلنا سمك وجمبري ونقعد ناكل ونكتب وخلصنا الفيلم.