بحضور أرملة أشرف مصيلحي.. انهيار ريم أحمد عقب تشييع جنازة والدتها

انهارت ريم أحمد الشهيرة بشخصية هدى في مسلسل ونيس للفنان محمد صبحي، وذلك بعد تشييع جثمان والدتها من مسجد السيدة نفيسة.

منال الصيفي تشارك في جنازة والدة ريم أحمد 

وحرصت المخرجة منال الصيفي  على حضور جنازة والدة ريم أحمد في مسجد السيدة نفيسة والتي يرصدها تحيا مصر، حيث رحلت عن عالمنا صباح اليوم الأربعاء الموافق 1 مايو.

جنازة والدة ريم أحمد 

وكانت أعلنت ريم أحمد عن جازة والدتها عبر حسابها الشخصي بموقع فيسبوك، قائلة: صلاة الجنازة اليوم ظهرا في مسجد السيدة نفيسة والدفن في مقابر المجاورين بطريق صلاح سالم، لا أراكم الله مكروها.

محمد صبحي ينعي وفاة والدة ريم أحمد 

وحرص الفنان الكبير محمد صبحي على نعي وفاة والدة ريم أحمد من خلال حسابه الرسمي بموقع التواصل الاجتماعي فيسبوك، مشيرًا إلى أنها كانت داعمة لابنتها ومطالبًا الجهور بالدعاء لها.

من جانبه، قالت منال الصيفي عن وفاة زوجها: في آخر أيام التصوير طلبت من أشرف يروح للدكتور وكان معانا ماجد يوسف، وفعلًا راح والدكتور قال له عندك ضغط عصبي وأخد مهدئات لمدة يومين، ولكن معجبنيش كلام الدكتور لحد ما نصحه صديقه أنه يروح لدكتور متخصص.

وتابعت: لما عرف أننا هنروح لدكتور تاني أتعصب جدًا وقتها وتوجهنا له والدكتور طلب أشعة، ولما أتصلت بالدكتور قال لي إحنا شاكين في ورم يا نزيف يا جلطة في المخ، ولما النتيجة ظهرت قال لنا لازم يعمل جراحه عشان في كيس مياه على المخ وده لأني طلبت من الدكتور يخفي الموضوع عن أشرف.

وأضافت، أول صدمة أخدتها كانت لما اكتشفت أنه مصاب بسرطان مخ شرس من الدرجة الرابعة، وعمل جراحة وتعافى شوية، ولما والدته توفيت أتصاب بجلطة أثرت على الكلام والحركة.

واستطردت: أول مرة لاحظنا فيها ده كان وقت تصوير جمال الحريم، لخبط في الكلام وقت التصوير، واتفاجأت أنه مش مجمع ومش عارف يحفظ النص، وبيقولي أنا اسف والله، قولت له معلش هنذاكر سوا وحفظته الدور بصعوبة جدًا وافتكرت أنها مجرد جلطة.

وأوضحت، قررت أخفي مرض أشرف عنه عشان هو كان بيخاف من المرض وجبان في الموضوع ده، وبيخاف علينا جدًا من وقت فيروس كورونا، ولما أتصابت بكورونا أتصاب معي ومكنش خايف على نفسه كان خايف عليا أكتر.

واستكملت، لما عرفت بمرضه أتصدمت ولما الدكاترة قالت لي بدأ العد التنازلي لرحيله بسبب تدهور حالته، ولما سألت دكتور ليه كل الإشاعات دي قال لي عايزين نطمن ممكن تفرق في حياته 8 أشهر، وكنت كل يوم في مرضه اقرأ سورة ياسين وفي لحظات مرضه الاخيرة قولت يارب  كفاية عليه كده تعب أوي.

الموت يفجع ريم أحمد.. ومحمد صبحي ينعيها

واختتمت منال الصيفي حديثها قائلة: شكرًا أنك أكرمتنا وسترتنا وخلتنا مش محتاجين  لحد وأنك كبرت الولاد وربتهم كده وأنا هكمل رسالتك زي ما أنت عايز وشكرًا أنك ماتقلتش علينا بكل التعب ده، مهما عملت عشانه أنا مقدمتش حاجة زي اللي قدمه أبويا  وأمي اللي عاشت معانا عشر سنوات بعد رحيل والدي اللي شاله برضه في وقت مرضه.