اعترافات شقيقة قاتل جواهرجي بولاق ابو العلا الخواجة حسني الخناجري

تطورات جديدة في واقعة مقتل جواهرجي بولاق ابو العلا الخواجة حسني الخناجري كشفتها تحقيقات نيابة وسط القاهرة الكلية، ويستعرض موقع تحيا مصر التفاصيل الكاملة في التحقيقات.

بعد إحالة 4 مسؤولين للمحاكمة.. تحديد جلسة لنظر قضية حريق استوديو الأهرام

قرار عاجل بشأن أموال عصابة موظفي الطيران المدني للإتجار في الدولار

بعد 45 يوما.. النيابة تحيل 4 مسؤولين في حريق استوديو الأهرام للمحاكمة

ماكينة السجل الذكى .. الحصول على الأوراق الثبوتية فى دقيقة واحدة

إعترافات شقيقة قاتل جواهرجي بولاق ابو العلا

حيث أدلت المتهم فادية شقيقة قاتل جواهرجي بولاق ابو العلا، باعترافات تفصيلية في القضية رقم 514 لسنة 2024 إداري بولاق الدكرور، قالت فيها «أمي ماتت من 35 سنة وانا عندي عشر سنين واحنا ست أخوات و ابويا اتجوز بعد ما أمي ماتت بشهر أو شهرين وانا أكبر واحدة فيهم وقعدت من المدرسة كنت بربيهم وأراعيهم وأخويا محمد حسن كان في سنة رابعة ابتدائي لحد ما كبروا وانا اتجوزت سنة ١٩٩٤ وما سبتهمش و اخويا ساب المدرسة واشتغل مع أبويا في شركة الاسانسيرات بتاعة أبويا، وساعتها اتجوز بنت عمه وخلعته بعدها اتجوز مي طليقته».

شقيقة قاتل جواهرجي بولاق: حالته النفسية كانت وحشة بعد الطلاق

وتابعت شقيقة قاتل جواهرجي بولاق ابو العلا «مي وهي اللي طلبت الطلاق لأن أبويا هو اللي كان بيصرف عليه وكان ملزم بكل مصاريفه من كهرباء وغاز ومياه وحتى مصاريف البيت وأي حاجة ناقصة عند محمد أبويا كان يدفعها له ومن ساعة ما أبويا مات ابتدت المشاكل، وابتدي ساعتها يخش في مشاكل بسبب انه مش قادر على الالتزامات المادية وكان ينفق على شغل وما يكملش وابتدي يخش في مواضيع أنه يمضي على إيصالات أمانة ويبيع ممتلكات ابوه اللي هو ورثة وفضل عايش معايا من سنة ۲۰۲۱ ولما ميكونش معاه فلوس بساعده وكدة كدة بياكل ويشرب معانا ولو عايز سجائر بجيبله وهو لما ساعات بيبقي معاه فلوس بيدينا بس نقطة التحول في حياته لما مي سابته وطلبت الطلاق».

شقيقة قاتل الخواجة الخناجري: جاب لي دبله وخاتم وقالي بيعيهم

وأكملت شقيقة قاتل جواهرجي بولاق، من بعد الطلاق هو ابتدي يتدهور نفسياً لأنه كان بيحبها ولحد دلوقتي بيحبها وهو كان ممكن يخليها تشتمنا المهم يراضيها هي، واللي حصل يوم الواقعة أن محمد جالى البيت لقيته بيقولي أنا مسافر حضريلي هدومى عشان عندى شغل في حتة في الصعيد ولقيته بيتكلم في التليفون وعرفت ساعتها انه بيكلم حسن صبري صاحبه وسمعته بيقول خلاص انا هقابلك في شارع ناهية، وبعد كده اداني دبلة وخاتم وقالي انا عايزك تبيعي الحاجات دي عشان نلحق نمشي وفعلاً سلمني دبلة وخاتم ونزلت عند مدحت حماده ورحتله المحل بتاعه في سكة الحاج علي وأول ما شفته قولتله انا عايزة ابيع الدبلة والخاتم وقال ملهومش فاتورة قولتله لأ ده واحد لسة متجوز وعايز يبيعها في شغل وهو ساعتها قالي بلاش نبيع دلوقتى عشان الذهب نزل قولتله لا انا عاوزة ابيعهم عشان هو محتاجه في شغل وبالفعل خدهم تمنهم واداني مبلغ مالي عشرين ألف جنيه.

واختتمت شقيقة قاتل جواهرجي بولاق ابو العلا، رجعت البيت وديت الفلوس لمحمد واداني الف ونص وقالي انا مسافر ولو عوزتي حاجة هبعتلك قولي بس لحسن وانا هبعتلك وانا ان شاء الله قبل رمضان هبعتلك فلوس تجيبي حاجات للبيت وبعد كدة راح واخد بعضه ونزل وكان معاه لبس وكان حاطه في كفر بدلة وكان معاه شنطة لونها رصاصي اللون وبعد كدة ما شفتهوش تاني لحد يوم الثلاثاء بليل لقيته جالي وخبط عليا البيت فقولتله انت ما سافرتش قالي انا سافرت أسوان ورجعت في نفس اليوم وهمشي تاني ودخل نام لحد ما اتقبض علينا».