محمد التاجي: مضيت دوري في العتاولة على عمياني ومش شايف فيها شيء خارج

تحدث الفنان محمد التاجي خلال ندوته بموقع تحيا مصر عن تفاصيل دوره في مسلسل العتاولة وسبب قبوله بتلك الشخصية رغم معرفته بأنها ستتعرض لانتقادات عديدة، مشيرا إلى أنه استعان بشخصية واقعية شاهدها في طفولته لتجسيد هذا الدور.

محمد التاجي: مضيت دوري في مسلسل العتاولة على عمياني 

وقال محمد التاجي خلال لقاءه بموقع تحيا مصر: أحمد خالد موسى كل مرة بيفاجئني بشخصية مختلفة معملتهاش معاه قبل كدة ولما عملت الدور ده وقريته مضيت عليه على عمياني، وشوفت الشخصية دي في الحقيقة لأني من سكان منطقة وسط البلد ودي كانت شخصية عامة ومنتشرة بشكل كبير وكان راجل كبير بيمشي يعاكس البنات الصغيرة فأما جالي الدور عملت فلاش باك وافتكرت الشخص ده وقبلت بالدور على طول.

محمد التاجي: أنا صعيدي وشخصيتي في العتاولة بعيدة عني تماما

وعن سبب قبوله بهذا الدور، قال محمد التاجي: بدون تفكير كنت لازم أعمل شخصيتي في العتاولة لأنها بعيدة عني أوي، أنا متزمت ومغلق ودماغي صعيدي، وكان لازم يتنور على الشخصيات دي عشان نقول للناس خدوا بالكم.

وردا على الانتقادات التي طالت شخصيته في مسلسل العتاولة، قال محمد التاجي: لو كنت لقيت أنه في مشهد هيجرح مشاعر حد مكنتش هعمله حتى حتة الهزار بيني وبين البنت أما كنا قاعدين في المنتزة كان كله كلام مكنش فيه فعل ولا في شيء جرح المشاهد أو فيه شيء خارج، فيه ناس وصل النقد عندها أنهم يشتموا بس أنا مبردش.

محمد التاجي: عايشين اليوم بيومه مش معانا رصيد في البنوك وبرامج المقالب معروفة

موقع تحيا مصر يكرم الفنان محمد التاجي عن دوره في مسلسل العتاولة

محمد التاجي يرد على انتقادات دروه في العتاولة: بقدم شخصية موجودة في المجتمع

وأكد: أنا بقدم شخصية موجودة في المجتمع وفي نفس الوقت مخدشتش حياء الأسرة، لو حد قاعد مع والده أو والدته مش هيتكسف أنه يتفرج عليا، وانا ملمستش البنت طول المشاهد اللي بصورها، أنا عندي بنات ومقبلش أنه ده يحصل معاهم.

جدير بالذكر، أنه كان قد تألق محمد التاجي في مسلسل العتاولة إلى جانب كلا من النجوم أحمد السقا، طارق لطفي، فريدة سيف النصر، باسم سمرة، مريم الجندي، زينة، مي كساب، منة تيسير، مصطفى أبو سريع، وغيرهم، ومن تأليف هشام جمال وإخراج أحمد خالد موسى، وتم عرض العمل في سباق مسلسلات رمضان 2024.