محمد التاجي: عايشين اليوم بيومه مش معانا رصيد في البنوك وبرامج المقالب معروفة

بحياته الشخصية، وذلك خلال ندوته مع موقع تحيا مصر، فأشار إلى موقفه من قبول عمل فني غير راغب به بسبب احتياجه للأموال، فضلا عن موقفه من برامج المقالب.

محمد التاجي: ممكن الحوجة تخليني أنكسر قدام عمل مش قابله

كشف محمد التاجي موقفه من دخول بناته مجال التمثيل، وقال مع موقع تحيا مصر: بناتي مهندسات فمش محتاجين حاجة أكتر من كدة.

وعن تقديم عمل فني غير مقتنع به من أجل الأموال قال محمد التاجي: المهم هيقدم ايه، هل هياخدني للتطرف اللي قولت عليه اني مش بعمله، يعني أنا في مرة قولت للمنتج من فضلك لو هتتعامل مع فلان الفلاني أنا مش بحب أشتغل معاه متبعتليش أساسا لأن انا ممكن يكون مش معايا فلوس احنا مش معانا رصيد في البنوك إحنا ناس عايشين اليوم بيومه وممكن الحوجة تخليني أنكسر قدامها فمن أساسه متكلمنيش وتقولي تعالى عشان أنا مش هشتغل مع الشخص ده تاني.

محمد التاجي: برامج المقالب معروفة وياسر جلال قالي مش بتشتغل مع رامز ليه 

وتطرق محمد التاجي عن مشاركته في برامج المقالب، حيث قال: ابرامج المقالب بتبقى معروفة وأوافق أشارك فيها لو مكنش فيه إهانة، في حاجات بيبقى دمها خفيف وفي حاجات بتوصل الناس أنها تتعصب هما حتى مش بيعملوها برامج بي التليفزيون بيعملوها عادي ويصوروها وينزلوها.

 واستكمل: ياسر جلال قالي مبتشتغلش مع رامز ليه قولتله هو طلبني لو طلبني هروح، رامز وياسر دول ولادي ووالدهم كان قريب مني جدا وأول عمل اشتغلوا فيه هما الاتنين وهما لسة في المسرح كان عمل بيجمعنا احنا التلاتة، هما ليهم معزة خاصة جدا والولد رامز دمه خفيف، وانا بحبه جدا وبحب اتفرجله على الأفلام بتاعته وقولت لياسر جلال خليه بس يبعتلي بس هو ملاقاش حد مخاصمه في الوسط عشان يجبني.

موقع تحيا مصر يكرم الفنان محمد التاجي عن دوره في مسلسل العتاولة

محمد التاجي: لقب نمبر وان طلع على محمد رمضان والعوضي محتاج يغير من أدواره 

وعن المقارنة بين محمد رمضان وأحمد العوضي في الدراما الشعبية، قال محمد التاجي: لقب نمبر وان طلع على محمد رمضان وطلع في الدراما الشعبية بأكتر من شخصية ولكن العوضي في الدراما الشعبية ياريته يغير.

 وكشف محمد التاجي عن تعرضه لموقف من زميلة له في الوسط الفني قائلا: في ممثل قالي متأدليش بالشكل ده وأما حصل معايا ده سمعت الشخص لما قالي الجملة دي كلام جامد ووقف التصوير وحصل عياط واترمى الورق على الملأ وخدت طريحة ما يعلم بيها الا ربنا وقولتلها انتي فاشلة في التمثيل.