ليلى زاهر: جالي تهديدات بسبب شخصية شيماء في أعلى نسبة مشاهدة
ADVERTISEMENT
فجرت الفنانة ليلى زاهر عدة تصريحات حول مسلسل أعلى نسبة مشاهدة، وذلك خلال حلولها ضيفة على برنامج يحدث في مصر الذي يقدمه الإعلامي شريف عامر.
ليلى زاهر تشيد بأداء انتصار في أعلى نسبة مشاهدة
وقالت ليلى زاهر عن انتصار في تصريحات يرصدها تحيا مصر: كانت بتزود في المشاهد كلام وكانت بتضيف كلمات مثل سيبي الموبايل أنتي طول الوقت فاتحاه، وكانت بتأكلنا رز بلبن
ليلى زاهر تكشف عن مفاجأة بشأن شخصيتها في أعلى نسبة مشاهدة
وتابعت، المساحة في الأدوار ما بتفرقليش، وأي حاجة الورق والمخرج وشركة الإنتاج ولازم الورق يكون حلو، وجالي تهديدات على شخصية شيماء.
أعمال ليلى زاهر الغنائية
من جانبه، طرحت الفنانة ليلي أحمد زاهر، فيديو كليب أغنيتها الجديدة «كلمة أخيرة» عبر موقع الفيديوهات يوتيوب، والتي قامت بتصويرها في لبنان.
كلمات أغنية ليلى أحمد زاهر
والأغنية من كلمات محمد حسن، وألحان وتوزيع إسلام زكى، وتعتبر أغنية «كلمة أخيرة» هي أولى أغنيات الفنانة ليلى أحمد زاهر بشكل رسمى، وذلك بعدما خاضت تجربة الغناء حيث سبق وغنت في حفل تخرجها أغنية «سقفة» وسط تفاعل زملائها.
كلمة اخيرة كلمات
أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش موتنى
بقى دى النهاية وده اللى بتحاسب عليه
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى
جاوب سؤالى وقولى مره كسبت إيه
حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق ده ياريته ريحنا
و نهاية حبى فيك فى كلمة أخيرة ليك
محتاجه أنام
وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها
أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان
حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق
ده ياريته ريحنا
شكرآ عشان بإيديك قطعت علاقتي بيك
مستغربه إزاى ف يوم وقفت حياتي عليك
جوجل نيوز
تطبيق نبض
