أول رد من ليلى أحمد زاهر على منتقدي طريقة حديثها في أعلى نسبة مشاهدة

كشفت الفنانة ليلى أحمد زاهر، كواليس مشاركتها في مسلسل أعلى نسبة مشاهدة الذي عُرض خلال النصف الأول من السباق الرمضاني الجاري 2024.

ليلى زاهر في برنامج تفاعلكم 

وقالت ليلى زاهر، خلال لقاءها في برنامج تفاعلكم الذي يرصده تحيا مصر: الدور أول مرة أقدمه وكان تحدي، ونفسي أقدم حاجة صعبة ولكن كنت خايفة.

سبب مشاركة ليلى زاهر في مسلسل أعلى نسبة مشاهدة 

وتابعت ليلى زاهر: مش عارفة المخرجة ياسمين شافت فيا إيه أو تخيلتني إزاي خصوصا أنها كانت مصرة عليا في البداية.

وأضافت ليلى زاهر: كلمت المخرجة ياسمين كامل قبل التصوير بيومين وأنا منهارة قلت لها أنا خايفة، ومش هعرف أعمل الدور ده لأن الشخصية صعبة والجمهور هيكرهها.

تصريحات ليلى أحمد زاهر 

واستطردت: الدور صعب لأني مقتنعة أن مستحيل أخت تعمل في أختها كدة مستحيل، أنا وأختي قبل كده زعلنا من بعض وأقصى حاجة اتعملت أننا مكناش بنتكلم.

وأوضحت ليلى زاهر أن المخرجة ياسمين كامل، عرضت عليها بعض القصص الحقيقية وأقنعتها بأن المسلسل يقدم رسالة مهمة للجمهور، وهو ما حمسها لاستئناف التصوير، معقبة: تأكدنا أن فيه ناس بيحصل فعلا معاهم كدة ودي رسالة مهمة أنها تتقدم.

وعن الانتقادات الموجهة لطريقة حديثعا في العمل، قالت: في ناس قالت إن طريقة الكلام ساعات بتبقى أوفر، إحنا ذاكرنا كويس أوي، وأنا فرمت تيك توك وذاكرت ناس معينة.. والكلام ده مجبتهوش من عندي، لا أنا كده ولا عمري رحت الأماكن دي، لكن دخلتها عشان المسلسل وأهل الحطابة ناس جميلة ومحترمين جدا عشنا معاهم حبة عشان نلقط الكلام.

ليلى أحمد زاهر تكشف عن موعد زفافها على هشام جمال

مسلسل أعلى نسبة مشاهدة الحلقة 10.. ليلى زاهر تصنع فخ لشقيقتها سلمى أبو ضيف والأخيرة تدخل عالم المهرجانات

في سياق مختلف، وجهت ليلى زاهر رسالة لخطيبها هشام جمال قائلة: أنا طول عمري بقول إنك دايما بتكون سبب في أي نجاح نجحته أو بنجحه في حياتي بعد ربنا، لكن المشروع ده أنا عايزة اشكرك علىه بشكل خاص قدام كل الناس  لأني أول ما سمعتك الأغنية عشان اخد رأيك كنت مبسوط وفخور بيا جداً، لأنك أول واحد وقفني قدام مايك وأول لما طلبت منك إنك تخرجلي الكليب ما ترددتش للحظة رغم إنك كنت مشغول قوي ووراك 3000 حاجة ما شاء الله ومع ذلك مقصرتش معايا ولا مع الكليب لحظة، وكل حاجة خدت حقها الحمد الله وده يدل على إنك راجل محترف جداً في الشغل وعلى المستوى الإنساني أخويا و أقرب صديق ليا اللي دايماً بيشجعني و في ظهري.

شكرًا يا هشام على كل لحظة اديتها للكليب ده من جوه قلبك والحمدلله الرسالة الفنية اللي انت قدمتها في الكليب وصلت لناس كتير الحمد لله شكرًا يا أجدع وأنضف أخ في الدنيا وربنا يكرمك يارب في كل أعمالك الجاية ويارب دايماً ناجح.