محمد سامي: مبتعاطفش مع الممثلين.. وهذه تفاصيل مسلسل مي عمر في رمضان 2025

تحدث المخرج المصري محمد سامي عن علاقته بالممثلين وطبيعة العمل معهم،كاشفًا تفاصيل مسلسل زوجته مي عمر في رمضان القادم 2024، وذلك خلال حلوله ضيف على برنامج الحكاية المذاع عبر قناة Mbc مصر الفضائية.

محمد سامي في برنامج الحكاية 

وقال محمد سامي في تصريحات يرصدها تحيا مصر: مبتعاطفش مع الممثلين دول ناس محجزوين لفترة عشان ينفذوا اوردر وواخدين فلوس.. والتحكم في عباد الله دا ممتع. 

مسلسل مي عمر رمضان 2025

وتابع محمد سامي: في مسلسل لمي عمر في رمضان الجاي 30 حلقة وهتبقى شخصيتها فيه مختلفة تماما.. وكتبنا فيه 17 حلقة. 

تصريحات محمد سامي 

هذا وكان قال محمد سامي في تصريحات تليفزيونية: لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله.

وتابع: هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، ويتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين.

وأضاف: أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم.

واستطرد، والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى.

محمد سامي يتألق بمسلسل نعمة الأفوكاتو 

وتألق محمد سامي في السباق الرمضاني المنصرم بمسلسل نعمة الأفوكاتو، بطولة مى عمر، أحمد زاهر، أروى جودة، كمال أبو ريه، عماد زيادة، ياسر على ماهر، ولاء الشريف، أحمد ماجد، محمد الدسوقى، طارق النهرى، سامى مغاورى، لبنى ونس، غادة فلفل، سلوى عثمان، هدير عبد الناصر وتأليف محمد سامى ومهاب طارق وإخراج محمد سامى وإنتاج شركة Forever Drama - مها سليم.

محمد سامي لمي عمر: لو همسح تاريخي كله مقابل عمل واحد هيكون جعفر العمدة وخوفت منك في نعمة الأفوكاتو

لازم ارفع راس الممثل قدام أهله.. أحمد عبدالله يروى موقف إنساني للمخرج محمد سامي في لوكيشن التصوير

وتدور أحداث مسلسل نعمة الأفوكاتو في إطار درامي حول المحامية الشابة والطموحة نعمة والذي تقوم بدورها الفنانة مي عمر، التي تتزوج من زوج فاشل وهو أحمد زاهر وتبذل جهودا كبيرة لمساعدته على النجاح ولكنها تكتشف خيانته لها، وتقرر الانتقام منه حيث تتبين خيانة زوجها أحمد زاهر مع أروى جودة.