زينة لـ طارق الشناوي: بلاش تمشي مع الماشيين.. اتكلم بحيادية

وجهت الفنانة زينة رسالة شديدة اللهجة للناقد الفني طارق الشناوي، وذلك خلال لقاءها في برنامج الحكاية الذي يقدمه الإعلامي المصري عمرو أديب عبر قناة Mbc مصر.

رسالة زينة للناقد طارق الشناوي 

وقالت زينة في تصريحات يرصدها تحيا مصر: بلاش تمشي مع الماشيين.. لما عملت الليلة واللي فيها نجح وكسر الدنيا ولما جه ينقد العمل قال زينة أخيرا خرحت من مشاكلها..  مالك ومال الكلام ده.. ولما عملت العتاولة قال زينة سابت البطولات المطلقة وزعلانة.. لأ أنا مش زعلانة.. أنا بعمل عمل مع نجوم كبار وأحمد السقا اسم كبير وباسم سمرة وطارق لطفي وشركة كبيرة زي الصباح.

زينة في برنامج الحكاية 

وأضافت زينة: عارفة أنك بتحبني ولكن مينفعش حضرتك تتكلم عن طموحك الشخصي ليا.. اتكلم يحيادية علشان استفيد منك، ولما تقولي حاجة تكون بناءة، وكمان الأجيال الجاية تستفيد.

تصريحات زينة 

من جانبه، قالت زينة في برنامج حبر سري: لا يمكن مقارنة الأموال بالمشاعر في أي شيء وأنا أتعامل مع عائلتي بالمشاعر وليس الأموال، الحياة ترتبط بالفلوس، وأنا مش عايزة أتجوز وفكرة الزواج بالنسبة لي مرفوضة بشكل تام، لو اللي هيتقدملي فقير أنا معنديش مشكلة لكن الكلام ده لو فكرت في الموضوع لكن الزواج موضوع مقفول بالنسبة لي.

وتابعت زينة، أكره الكذب ولو وجدته في أي شخص يسقط من نظري، ومش بشوف الرجل الندل، وأنا شخصيتي قوية ومن يقف امامي يرتبك وبيخاف يعترف بأي شيء، لما بتعصب بكون واحدة تانية وبخوف، عمري ما شفت في حياتي رجالة بخيلة ووالدي كان رجلا كريماً، للأسف اشتغلت كتير في أعمال عشان الفلوس، واشتغلت فيلم مع إلهام شاهين بدون أموال.

وأضافت باكية، والدي كان راضي عني قبل وفاته بشكل كبير.. ربنا يرحمه.

واستطردت، أكتر حاجة بفتكرها من والدي ضحكته، ولو فيه ملايكة على الأرض هقول أبويا ده ملاك مش بني آدم.

زينة تتحدث عن وفاة والدها

واختتمت زينة حديثها قائلة: والدي كان حنين وطيب وأنا تعبت أوي بعد وفاته، ومفيش حد زي الأب.

بعد قليل| استئناف أحمد عز على إلزامه بدفع 23 ألف جنيه إسترليني لتوأم زينة

قطة العتاولة.. زينت العبد تخطف الأضواء بتلقائيتها وخفة دمها

وأوضحت زينة: شخصيتي في فيلم الإسكندراني: دي أشقى بنت ممكن تشوفيها في حياتك، اسمها قمر، وهي بنت إسكندرانية جدعة وبتاعت حق أوي، وبتقف دايما جمب الناس المظلومة، وبتعيش حياة ظلمة بس بتكافح وبتعيش زي أي ست مصرية.

وشاركت زينة في السباق الرمضاني المنصرم 2024 بمسلسل العتاولة بطولة أحمد السقا وطارق لطفي وباسم سمرة.