بفستان مكشوف الصدر.. رانيا يوسف تثير الجدل في مهرجان أسوان للمرأة

انطلق افتتاح مهرجان أسوان الدولي لأفلام المرأة، في الثامنة مساء اليوم السبت الموافق 20 أبريل.

إطلالة رانيا يوسف بمهرجان أسوان للمرأة 

ومن أبرز الحضور على السجادة الحمراء لمهرجان أسوان الدولي لأفلام المرأة الذي يرصده تحيا مصر، النجمة رانيا يوسف التي أطلت بفستان مكشوف من الأعلى بالإضافة إلى الفنانة ريم البارودي.

رانيا يوسف تتألق في مسلسل بقينا اتنين

وشاركت رانيا يوسف في السباق الرمضاني المنصرم بمسلسل بقينا اتنين، بطولة شريف منير، رانيا يوسف، ميمى جمال، عمرو وهبة، تامر فرج، مروة عبد المنعم، ياسر الطوبجى، عزت زين، عمر طلعت زكريا وعدد آخر من الفنانين تأليف أمانى التونسى وإخراج طارق رفعت وإنتاج كريم أبو ذكرى.

وعن العمل قالت: لو مسلسل بقينا اتنين  كان اتعرض برة رمضان كان هيتشاف أحسن خاصة أنه عمل اجتماعي والأعمال الاجتماعية نتشاف برة رمضان افضل ولكن كل حاجة ليها توقيت عرض.

تصريحات رانيا يوسف 

وتابعت رانيا يوسف عن الشبه بينها وبين شخصية ياسمين في مسلسل بقينا اتنين: ياسمين شايلة مسؤولة العيلة شبهيي وهو ده دور الست دايما، احنا شايلين شيلة محترمة أما الراجل مش بيجيب غير فلوس بس وده ضغط عليها زيادة عن اللزوم وهو اللي بيخلق مشاكل كبيرة بين الزوج والزوجة وبيخلي حياتهم مش سعيدة.

وقالت رانيا يوسف خلال The blind date show: أنا واحدة من الستات اللي عانيت جدًا في قصة الطلاق والأطفال والنفقة والمحاكم، ومسلسل زي تحت الوصاية أو مسلسلات كتير ابتدت تناقش القصص دي، وأنا حاسة أن دا وقتنا أننا لازم نعمل حاجة، ونحاول نغير في القوانين اللي موجودة لصالح الأطفال والستات اللي بتتبهدل عشان تاخد حقها.

وتابعت: فكرة الـ blind date حلوة لأنه من غير أقنعة ومن غير تمثيل ودا شيء لطيف، لأنه دايما في الأول ممكن يكون فيه شوية تمثيل لو الطرفين يعرفوا بعض، ولو لقيت الراجل رغاي أوي ولو حسيت أنه بخيل وبصباص هتقفل منه من أول date.

وأجابت على بسمة وهبة قائلة: أخاف من ربنا ليه أنا مبعملش حاجة غلط، أنا ربنا خلقني بني أدمة بغلط وبرجع لربنا بس ده مش معناه إني بخاف منه أنا بحبه، ليه ما نحب ربنا وأما بنحب حد عمرك ما هتزعليه، بحبه وبعمل اللي بيقولي عليه ومش بخاف من الموت ده راحة ولا بخاف من يوم الحساب وعندي ثقة مطلقة إني معملتش حاجة غلط، وعلى الفستان أنا غلطت ورجعت”.

وأوضحت، لازم شريك الحياة يغذي الست بالدلع والخروج والهدايا والحنية ومشكلة الرجل الشرقي أنه تقوليله انك مقصر.. بتوجعه أوي، وياريته بيصلح لا ده بيعاند اكتر وبيقصر اكتر لحد ما الست تبقى شايلة وتقرر أنه لا خلاص مش هكمل ويوصل الموضوع للانفصال.

رانيا يوسف: الراجل الشرقي بتوجعه كلمة انت مقصر ومش هجوز بناتي الا في سن 30

رانيا يوسف: أنا خجولة جدا وولادي اللي بيشجعوني أبقي شقية ولازم اللي هتجوزه يقبلني بعيوبي

ولفتت، غلطت إني اتجوزت بدري بس كان نفسي أبقى أم.. واصعب فترة في حياتي أما عيالي اتولدوا ومتفقة مع بناتي أنه مفيش جواز قبل سن 30 ولازم فترة الخطوبة تبقى طويلة، ولو بنتي مش سعيدة في حياتها هحاول أصلح ولو منفعش ممكن يتطلقوا عادي، وده مش تشجيع على خراب البيوت ولكن احسن ما ولادهم يتأثروا من أنهم مع أب وأم مش سعداء