رانيا يوسف: الراجل الشرقي بتوجعه كلمة انت مقصر ومش هجوز بناتي الا في سن 30

حلت الفنانة رانيا يوسف ضيفة على برنامج سهرة dmc وذلك بعد تألقها في مسلسل بقينا اتنين والذي تم عرضه في النصف الثاني من شهر رمضان 2024 للحديث عن كواليس العمل وتفاصيل شخصيتها بها وعلاقة شخصية ياسمين التؤ قدمتها في المسلسل مع شخصيتها الحقيقية.

رانيا يوسف: مسلسل بقينا اتنين لو كان اتعرض برة رمضان هيتشاف أفضل 

وقالت رانيا يوسف في تصريحات رصدها موقع تحيا مصر:  لو مسلسل بقينا اتنين  كان اتعرض برة رمضان كان هيتشاف أحسن خاصة أنه عمل اجتماعي والأعمال الاجتماعية نتشاف برة رمضان افضل ولكن كل حاجة ليها توقيت عرض.

وتابعت رانيا يوسف عن الشبه بينها وبين شخصية ياسمين في مسلسل بقينا اتنين: ياسمين شايلة مسؤولة العيلة شبهيي وهو ده دور الست دايما، احنا شايلين شيلة محترمة أما الراجل مش بيجيب غير فلوس بس وده ضغط عليها زيادة عن اللزوم وهو اللي بيخلق مشاكل كبيرة بين الزوج والزوجة وبيخلي حياتهم مش سعيدة.

رانيا يوسف: الراجل بتوجعه كلمة انت مقصر 

وأكدت رانيا يوسف: لازم شريك الحياة يغذي الست بالدلع والخروج والهدايا والحنية ومشكلة الرجل الشرقي أنه تقوليله انك مقصر.. بتوجعه أوي، وياريته بيصلح لا ده بيعاند اكتر وبيقصر اكتر لحد ما الست تبقى شايلة وتقرر أنه لا خلاص مش هكمل ويوصل الموضوع للانفصال.

رانيا يوسف: غلطت اني اتجوزت بدري ومش هجوز بناتي الا في سن 30

وتابعت رانيا يوسف في حديثها: غلطت إني اتجوزت بدري بس كان نفسي أبقى أم.. واصعب فترة في حياتي أما عيالي اتولدوا ومتفقة مع بناتي أنه مفيش جواز قبل سن 30 ولازم فترة الخطوبة تبقى طويلة، ولو بنتي مش سعيدة في حياتها هحاول أصلح ولو منفعش ممكن يتطلقوا عادي، وده مش تشجيع على خراب البيوت ولكن احسن ما ولادهم يتأثروا من أنهم مع أب وأم مش سعداء.

مسلسل بقينا اتنين الحلقة 14.. تطورات جديدة في حياة رانيا يوسف وشريف منير

مسلسل بقينا اتنين الحلقة 11.. رانيا يوسف تنجح في إثارة غضب شريف منير وحبيبته

وجدير بالذكر، أن مسلسل بقينا اتنين من بطولة النجوم شريف منير، رانيا يوسف، إدوارد، صلاح عبدالله، مروه عبدالمنعم، ميمي جمال، ويعد أخر ظهور للفنان الراحل طارق عبدالعزيز، و من تأليف أماني التونسي، و إخراج طارق رفعت، وإنتاج كريم أبو ذكري بالتعاون مع المتحدة للخدمات الإعلامية، وعرض عبر قنوات "CBC" و "CBC دراما" ومنصة WATCH IT.