برنامج ع المسرح| أحمد العوضي يحرج بيومي فؤاد ورد صادم على الهواء

تحدث الفنان أحمد العوضي خلال حواره مع الإعلامية منى عبد الوهاب في برنامج ع المسرح عن العديد من تفاصيل في حياته لأول مره يصرح عنها، بالإضافة لكشفه عن قناعاته وأسلوب حياته الذي لا ينوي تغييره كما رد على عدد من الشائعات وانتقادات الجمهور له.. ونسرد لكم خلال السطور التالية أبرز تصريحاته.

برنامج ع المسرح| أحمد العوضي يحرج بيومي فؤاد برد غير متوقع على الهواء

ورد الفنان أحمد العوضي خلال لقائه في برنامج ع المسرح مع الإعلامية منى عبد الوهاب على تصريح سابق للفنان بيومي فؤاد قال فيه أن رواية الاسكندراني بطلها هو الأب وأن البطولة الحقيقية في العمل تعود له، ورصد موقع تحيا مصر رد أحمد العوضي عليه خلال الحلقة حيث قال: "مين اللي قال إنه بطل هو أستاذ أسامة أنور عكاشة كلمه يعني ولا ايه أنا مش فاهم، هو لما عملنا الاعلان قولنا الإسكندرية ليها كبير وقولنا اسم الابن، وخالد يوسف لما أعلن عن الفيلم صورة مين اللي نزلت معاه، الناس جايه الفيلم لمين وعارفة إنه بطولة مين".

وتابع: "وبصي  على الصراعات في الفيلم الأب بيصارع ابنه بس لكن الابن بيصارع ابوه وبيصارع قمر اللي بيحبها وسابته وبيصارع اهل الحته اللي وافقوا على الجوازه وقرر ينتقم منهم، فـ 5 صراعات قدام صراع واحد وجايين النهارده بنتكلم في مين البطل.. وبراحته هو بطل من وجهة نظره ومتضايقتش ومهمنيش ومعروف مين البطل لو جبتي حد من الشارع وقولتيله الإسكندراني هيقولك أحمد العوضي".

أحمد العوضي: مفيش حاجة اسمها نمبر وان.. الواحد هو الله

وتطرق أحمد العوضي خلال حديثه في برنامج ع المسرح إلى خوضه صراع النمبر وان مؤكدًا أنه لا يفكر في ذلك وقال: "عمري ما ادخل صراع النمبر وان دخلته بشغلي مش باختياري بس مبفكرش كده، مفيش حد رقم واحد في المطلق الواحد هو الله اي حاجه غير كده كلام مش صح، ومفيش حد رقم واحد طول الوقت مستحيل حتى في لاعيبة الكورة، الدنيا مبتمشيش كده.. مسلسلي ناجح دا فضل من ربنا مش شطارة مني وحب ودعم اخواتي ليا، انا راجل ناجح ومسلسلي ناجح ومكسر الدنيا لكن مش هتدوم لانها لو دانت لغيرك مكنتش جاتلك".

أحمد العوضي: يهمني حب الناس أكتر من النجاح المستمر.. والغرور بداية النهاية

وأضاف: "انا بفكر في حب الناس ليا مش في نجاحي ويهمني احافظ على حب الناس ليا مش علي نجاحي المستمر، والغرور بداية النهاية، مسلسلي انجح مسلسل اللي يشغلني مش إني أقول أنا أنجح مسلسل، يشغلني إني السنه الجايه ابقى أنجح من حق عرب السنة دي انا بنافس نفسي مش بنافس حد ويهمني حب الناس اكتر من النجاح يعني لو هنجح بس الناس متحبنيش مش هعمل كده".

أحمد العوضي: نفسي بعد 100 سنه يفضل معايا لقب حبيب الغلابة

وأكد العوضي خلال استضافته في برنامج ع المسرح على أن حب الناس هو السبب الرئيسي وراء نةاحه وهو الداعم الأول له وقال:ز"حب الناس هو السبب الأساسي لنجاح حق عرب، وهو أهم حاجه عندي هو اللي بيخليني مبسوط، انت لو ف منطقة هيبقى الأحسن لو تكون الأقوى ولا اللي الناس بتحبه أكتر ولا الاغنى أكيد اكتر واحد الناس بتحبه.. انا اقوى واحد والناس بتحبني الناس بتحب القوي دي قناعاتي وهتفضل تحاربني وانا مش هغير دماغي انا اتربيت كدة وهفضل كده.. نفسي الناس تفضل تقولي حبيب الغلابه دي اكتر حاجة بحبها وعايز افضل قريب للناس.

برنامج ع المسرح| أحمد العوضي يرد على انتقادات الجمهور لتكرار أدواره

قدمت دور إرهابي في الاختيار هشام عشماوي هو دا كان بطل! ، قعدت فتره بعمل دور ظابط قالوا دا مبيعملش الا ظابط وعملت دور شعبي قالوا مبيقدمش الا شعبي، طب اعمل ايه ابطل تمثيل؟".