أبويا انفصل عن أمي وأنا عندي سنة واتعلمت منها الصبر.. دياب يتحدث لأول مرة عن والديه

تحدث الفنان والمطرب دياب خلال استضافته في برنامج ع المسرح تقديم الإعلامية منى عبد الوهاب عن الكثير من التفاصيل في حياته الشخصية بالإضافة لتصريحه عدة تصريحات لأول مرة يدلي بها ومنها حديثه عن والدته ووالده وحياته في طفولته كما صرح بانفصال والده عن والدته وهو عمره سنة، وسوف نسرد خلال السطور القادمة أبرز هذه التصريحات.

دياب: أمي هي اللي غرست فيا الصبر.. وبوفاتها حسيت إني اتعريت جامد

وتحدث الفنان دياب خلال لقائه مع الإعلامية منى عبد الوهاب في برنامج ع المسرح والذي رصده موقع تحيا مصر لأول مرة عن والدته وحياته معها وقال: "أمي وظروفنا غرست فيا الصبر وهي اللي علمتني إني ابقى حمول وان الاحتياج ميغيرش مبادئي وميعوجش طريقي، هي صاحبة الفضل عبيا في كل حاجة و أمي وأبويا انفصلوا وانا عندي سنه وكانت حياتنا صعبة".

وتابع دياب حديثه كاشفًا عن شعوره بعد وفاة والدته ووصفها بأنها نقطة التحول السيئك في حياته وقال: "وفاة أمي نقطة التحول السلبية في حياتي، وقتها حسيتي إني متعري بزيادة أوي وإني مبقاش ليا حاجه في الدنيا.. وكنت بعمل اول البوم ليا وكنت عايز أنجح بسرعه عشان افرحها بسرعه هي كانت مريضة وكنت خايف تمشي وهي مش فرحانه أر قلقانه عليا أو شايفاني مش ناجح، ومفيش حد بيعوض حنية الأم وخوفها على ابنها لقيت حنية مع مراتي لكن حنية الأم ليها طعم تاني".

دياب يكشف لأول مرة سر شهرته بـ دياب.. برنامج ع المسرح

وكشف دياب لأول مرة خلال حواره مع الإعلامية منى عبد الوهاب عن سبب شهرته باسن دياب وذلك بعدما قالت المذيعة اسمه بالكامل "محمد مبروك ابو الحديد علي" وسألته عن سر تسمية دياب خاصةً أنه ليس موجود في لقب عائلته، وقال: "أنا متربي مع اخواتي الغير أشقاء من أمي، وهما معروفين بآل دياب ف اتسميت محمد دياب على اسمهم من كتر ما احنا قريبين وعيشنا مع بعض، يعني دا لقب عائلة زوج والدتي وهو توفى قبل جوازها من ابويا".

كان صاحبي وأقرب حد ليا.. ديتب يتحدث عن والده في برنامج ع المسرح

وتابع دياب حديثه عن والده وعلاقته به: "والدي توفى ٢٠٠٤ قبل أمي ب٤ سنين، والدي كنت بحبه اوي كان أقرب صاحب ليا  انفصل عن والدتي وانا عندي سنه لكن علاقتنا مكنتش علاقة أب بابنه كنا اتنين أصحاب، بفضفض معاه و احكيله اي حاجه لو كلمت بنت بحكيله أول مرة شربت سجاير روحت حكيتله، كنت بقوله كل حاجه مبخافش منه عشان هو كان حكيم وواعي ومثقف هو كان طبيب بشري وانا مكملتش تعليمي، ومكنش في حاجه مبيفهمش فيها، الحاجة الوحيدة اللي أحبرني عليها في حياته إني أدخل ثانوية عامه مدخلش معهد موسيقي وانا كان نفسي ادخل المعهد وعشان عملتها غصب عني ودخلت ثانوية عامة مكملتش وخدت الإعدادية بس".

وتطرق دياب خلال لقائه في برنامة ع المسرح عن زوجته وظهر عليه مشاعر الحب التي يوجهها لها وقال: "زواجي هو نقطة التحول الايجابيه في حياتي، هي أهم خطوات حياتي وجت متأخر لأني كنت في منتصف التلاتينات بس غيرت فيا حاجات كتير زودت الايجابيات وقللت السلبيات في كل حاجه في حياتي، مراتي هي أقرب حد ليا وأنا مبحبش حد قدها في الدنيا  ونفسي اسعدها، وهي كمان كان عندها ظروف صعبة وربنا طبطب علينا ببعض".