إيناس الدغيدي: حطيت مرتين وعملت 30 عمرة ومبيهمنيش الحجاب فرض أو لا

حلت المخرجة إيناس الدغيدي ضيفة على برنامج أسرار والذي تقدمه الإعلامية أميرة بدر على شاشة قنوات النهار، حيث كشفت به عن علاقتها بربنا والشيوخ الذي تستمتع لهم وعلاقة دراستها للطاقة بالأمر.

إيناس الدغيدي: بردد دايما جملة "اللهم اني احبك فاحببني فيك أكثر ياالله" واستمدتها من علم الطاقة اللي بدرسه

وقالت إيناس الدغيدي عن علاقتها مع ربنا وتصريحاتها الدينية المثيرة للجدل وفقا لما رصده موقع تحيا مصر: "عندي أفكار معينة عن ربنا، قلت قبل كده العلاقة بيني وبين ربنا اللي بتاخدها الناس باستهزاء، الناس واخدة جرأتي اني متكلمش عن ربنا عشان الحتة الدينية، وعلاقتي قوية جدًا بربنا، وكل يوم بشكر ربنا رغم اني مش متدينة وعندي جملة خدتها من علم الطاقة، انا بدرس طاقة اونلاين والجملة هي، اللهم اني احبك فاحببني فيك أكثر ياالله، الجملة دي ممكن اعيط فيها، بقولها طول مانا سايقة لوحدي لاني بحب اسوق، بحس اني في علاقة بيني وبين ربنا، عشان كل اللي بيتقال عليا".

إيناس الدغيدي: علاقتي قوية جدًا بربنا ومبسمعش شيوخ ولا بديلهم اهتمام

وأضافت المخرجة إيناس الدغيدي: "مبسمعش شيوخ، ولو سمعت مبديلوش أي اهتمام، ووالدي طول حياتنا كان بيكلمنا في الدين، وكان رجل متفتح ومن طفولتي بتعلم دين، حجيت مرتين وبتاع 30 عمرة، اول مرة رحت حسيت بحاجة غريبة لكن بعد كده بتبقى طقوس اكتر من احساس، ومدعيتش عشان كنت بعيط، وطلبت الشهره والفلوس والمجد، وعمري ماندمت على اي حاجة صرحت بيها ومش ندمانة على أي فعل، بما فيهم الأفعال اللي مش كويسة في نظر الناس، الخطأ والصواب بنتعلمه، ومش ندمانة على تصريح الحجاب، ووالدتي ماتت 80 سنه ومش محجبة ومش معناه انها مش كويسة، والدين متدين جدًا وكنا نلبس ميني جيب، وانا في الحج رحت بشعري واول مانزلت هناك اتحجبت و مكنتش طايقة، مبهتمش اشوف فرض ولا لاء المهم انا عايزة ولا لاء، وعملت الخط بتاع الحجاب ده في فيلم امرأة واحدة لا تكفي".

إيناس الدغيدي في برنامج أسرار

وجدير بالذكر، أنه سبق وصرحت المخرجة إيناس الدغيدي في الجزء الاول من برنامج أسرار مع الإعلامية منى عبد الوهاب: اتجوزت اللي حبيته وقصة حب 9 سنين وتحديت كل حاجة حتى الدين وكان مسيحي واسلم عشاني، ودخلت السينما، وكانوا رافضين عشان الديانة ووالدي كان استاذ تربية دينية ولغة عربية، مقابلش جوزي لانه مات بعد زواجي بسنة، وقال مش هقابله عشان اغير دينه ومدخلش بيتنا غير فى جنازة ابويا، و معملتش فرح، عملته في بيتي، وكان عندي بيتي قبل ما اتجوز ومستقلة.

إيناس الدغيدي: كل الأعمال في موسم الرياض سطحية وياسمين صبري دخلت التمثيل بسبب جمالها

كنت محطوطه على قائمة اغتيالات الإخوان وجوزي أسلم عشاني.. أبرز تصريحات إيناس الدغيدي

برنامج أسرار تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.