لبنى عبد العزيز: عندي مشروع زواج.. وبحب الحاجة اللي بتجيب فلوس

فجرت خبيرة التغذية لبنى عبد العزيز عدة تصريحات خلال حلولها ضيفة على برنامج رامز جاب من الآخر الذي يقدمه الفنان رامز جلال مباشرًة بعد صلاة المغرب.

هبة الحسين في رامز جاب من الآخر 

وقالت لبنى عبد العزيز في تصريحات يرصدها تحيا مصر: عندي مشروع زواج وهسكت لحد ما الموضوع يتم وبحب الحاجة اللي بتجيب فلوس.

ضيوف رامز جلال 

كما وقعت عارفة عبد الرسول ضحية رامز جلال وقالت عنه: اتصلت بيا واحدة وبكل الحب قالتلى احنا بنفتخر بيكى ونفسنا تحضرى معانا افتتاح محل فى البوليفارد.

وتابعت: من فرحتى مسالتش محل ايه لان كان نفسي اروح السعوديه وكل اللى شغلنى الوقت وزنقه رمضان بس البنت كانت شاطره وعرفت تدبر الميعاد، خلص تصوير واطلع ع المطار الحق اخر طياره افتتح المحل واطلع ع المطار...كده يعنى صد رد ولكم ان تتخيلوا الارهاق والتعب.

وأضافت: من اول ماحطيت رجلى فى المطار وانا باعامل كملكه..خدمه مرحبا وكبار زوار وحوسه....وصلت اخدتنى عربيه فارهه الى فندق هيلتون الرياض ونزلت فى حته نتفه سويت يجرى فيه الخيل وكل حاجه تاتش بقيت خايفه المس حاجه تفرقع فى وشى...الروم سيرفز كل شويه يخبطوا جايبين تحيه من مدير الاوتيل وكارت بالانجليزى معناه ان اداره الاوتيل فى غايه الانفشاح لاستقبالي.

واستطردت: افتح التليفزيون الاقى صورى بفيديو لطيف وقد ايه احنا مش مصدقين انك معانا...تخيلوا معايا بس الحاله اللى انا فيها...الصبح جم بنات كوافير وماكيير والبنت اللى اتصلت بيا واسمها شريفه...بقت تسالنى اسئله عرفت بعدين انها بتشوف شغلها...اطمنت عليا لانى جايه من تصوير واصرت انى اطلب اكل واكل قبل ماننزل.

رامز جاب من الآخر| مصطفى شوبير يتحدث عن حارس مصر الأول ومحمد أبو جبل يروي كواليس فشل انتقاله للأهلي

ضيوف حلقة رامز جلال قبل عرض الحلقة 25

وأردفت: وصلت قابلتنى المذيعه الجميله كارلا المريحه للعين والقلب وخضت تجربه السهم والخيل وانا فرحانه وقصيت الشريط بمقص تحفه ودخلت ع المطعم اللى كل حاجه فيه بتلمع قوى والشياكه والجمال وانا بازداد سعاده وفرحه مافرحتهاش عمرى ...ووصل الشيف الكبير هو انا فعلا استغربت شكله وقولت لنفسى انه شبه الارهابيين اسود ف اسود كده...وانا مشرئبه قوى وحاسه انى يسرا ولا مرفت امين ...هوب لبست التورتايه.

واختتمت عارفة عبد الرسول حديثها قائلة: انتوا متخييلين...طلعت سابع سما ونزلت على جدور رقبتى...مش مهم المقلب ..صدمتى النفسيه محتاجه علاج فعلا...انا باحب رامز من زمان وعارفه أنه الواد الشقى بتاع العيله وفرحانه بيه انه ماسك فى الواد ده ومش بيتغير حتى افلامه شقيه....لكن برضه مش كده...يعنى افرض جرى لى حاجه...انا طول عمرى صريحه معاكم وفعلاً ماكنتش اعرف وده اللى حصل...اما الست شريفه والسيد رامز ليهم روقه بس اتعالج من الصدمه الاول.