أهلاوية وبتحب ليفربول| محمد حماقي: بنتي أحلي حاجة حصلتلي في حياتي

كشف المطرب محمد حماقي، عن تفاصيل مثيرة عن فاطمة ابنته وكواليس أخرى عن حياتها ومواهبها الفنية والرياضية.

محمد حماقي في BIGTIME: مش هجوز بنتي فاطمة طول ما أنا عايش

محمد حماقي: النقد بيضايقني وبحس إن في حاجة ناقصة

وقال المطرب محمد حماقي خلال لقائه مع الإعلامي عمرو أديب في برنامج «BIG TIME PODCAST»: «أحلى حاجة حصلتلي في حياتي، وفاطمة عندها 6 سنوات، وكنت بسمع في السابق أن أقوى حب هو حب الآباء للأبناء، ولكني لم أتخيل الإحساس الذي لا يمكن وصفه بكلمات فهو أقوى من أي كلمة.

محمد حماقي يروي لحظات مؤثرة مع ابنته

واستكمل محمد حماقي: "تفاصيل اللحظة الأولى اللي حملت فيها ابنتي فاطمة فور ولادتها، عندما تواجدت مع زوجتي أثناء الولادة في غرفة العمليات، أول ما طلعت وشلتها حسيت أن في شريان جديد فتح لمشاعر عمرها ما كانت موجودة.. أنت بتحب نفسك إلا قدام ابنك أو بنتك، بتحبه لدرجة أنك بتلغي نفسك، كل اللي يضايقك بس يبسطها هتعمله".

محمد حماقي يتحدث عن ابنته

وأشار محمد حماقي: "العلاقة بيني وبينها بتطور بشكل كبير مع تقدمها في السن، وأصبح هناك علاقة مباشرة بينا، وبقى عندنا علاقة قوية وبتزيد وتعمل حاجات كتيره من اللي أنا بحبها، وده خلى بينا حاجات كتيره مشتركة، منها أنها بتعلب كرة وهي أهلاوية وبتشجع فريق ليفربول وبتلبس تيشيرت محمد صلاح رقم 10، وبنلعب كورة مع بعض ونلعب مع بعض بلايستيشن ».

وكشف محمد حماقي أن لديها ميولا فنية تجاه الغناء والعزف، وطلبت منه شراء درامز حتى تعزف عليه، وبالفعل فوجئ بقدرتها على العزف في هذه السن، بجانب حبها لمايكل جاكسون.

كشف المطرب محمد حماقي، كواليس أغنية واحدة واحدة التي غناها في فيلم جعلتني مجرمًا للفنان أحمد حلمي.

وقال محمد حماقي: «يوم تسجيل الأغنية أنا قاعد في الاستديو والمفروض أيمن بهجت قمر بيخلص كتابة الكلمات وأنا مستنيه يبعت لي عشان أدخل أغني»

وأوضح محمد حماقي: «فقرالي الكلام في التليفون، فاستغربت لما قريت جملة على مشمي، فاستكملت كلمات الأغنية، وبعدين سألته على كلمة على مشمي وقلت له مش عجباني، قال لي الكلمة اللي مش عجباك دي أكتر كلمة عاجبة أحمد حلمي ومنى زكي لما سمعتهم الكلام».

واستطرد محمد حماقي: «سجلت الأغنية وكان معايا أحمد حلمي في الاستديو، وقلت له على مشمي دي غنيتها عشانك، فاستغرب حلمي وقال لي: «إيه على مشمي دي؟»، ففهمت أن أيمن بهجت قمر ضحك عليا لتمرير الجملة».

وكشف المطرب محمد حماقي، عن الكثير من التفاصيل في حياته العملية والشخصية.

وقال محمد حماقي: «مش هجوز بنتي فاطمة طول ما أنا عايش، وقلت لهم لما أموت أبقوا جوزوها».

وتابع محمد حماقي: «لا يمكن أديها للراجل، أنا أسوأ من الزعيم عادل إمام في عريس من جهة أمنية، وده غلط وأنا عارف إنه غلط».