بيومي فؤاد: أنا بقيت وصمة وخايف أقول أسماء الناس اللي وقفوا جنبي يتشتموا

حل الفنان بيومي فؤاد ضيف على برنامج حبر سري والذي تقدمه الإعلامية أسما ابراهيم على قناة القاهرة والناس، الذي كشف خلاله العديد من التصريحات الهامة والمؤثرة والتي ينقلها موقع تحيا مصر في التقرير الآتي.

بيومي فؤاد: أزمتي الأخيرة كانت أسوأ 5 أيام عدوا عليا 

قال بيومي فؤاد في تصريحات رصدها موقع تحيا مصر، متحدثا عن أزمته الأخيرة بشأن الفنان محمد سلام ومسرحيته التي عرضت في السعودية في فترة الاعتداء على غزة: أكتر أزمة اتظلمت فيها أنا عينا كانت هتنفجر بالدم بسبب الضغط اللي كنت فيه، كانوا أسوأ 5 أيام عدو عليا أنا وعيلتي وابني كلمني قالي احنا في خير وربنا كشفلنا حاجات كتير جدا.

بيومي فؤاد يكشف تفاصيل غلق حسابه على موقع فيسبوك

وتابع بيومي فؤاد حديثه، قائلا: انا مرجعتش الأكونت بتاعي قولت للناس المسؤولة اقفلوها خالص مش عايز أشوف تعليقات ومينفعش كمان ابقى مستفز للناس وبعد اللي حصل انزلهم أعمال من أعمالي، وماندو العدل هاجمني في أزمتي الأخيرة وناس كتير جدا ومحدش وقف معايا غير ربنا.

وأكد بيومي فؤاد: خايف أقول مين وقف جنبي في أزمتي الأخيرة فأجبلهم الشتيمة والكلام مأنا بقيت وصمة دلوقتي.

بيومي فؤاد يوجه رسالة للفنان محمد سلام بعد أزمتهم الأخيرة 

وكان قد وجه بيومي فؤاد في الجزء الاول من لقاءه مع أسما إبراهيم: ربنا معاك.. ازاي متطلعش تدافع عننا.. ازاي متطلعش تدافع عن محمد أنور وهو ترشيحك.. ما أنت دافعت عن أمير كرارة لما طلعت اشاعة انه شالك من مسلسلك.. رزقك على الله.. العمر واحد والرب واحد يا أستاذ سلام.

ووجه رسالة للمخرجة كاملة أبو ذكرى، قائلة: بعد ما كاملة أبو ذكري هاجمتي كل واحد في حاله ومتعاتبناش دا رأيها، الأستاذة شافت ومعجبهاش فقالت رأيها هي حرة، وهي أستاذة كبيرة، وهي بعتتلي ورق مسلسل سجن النسا وقالتلي نقي الدور اللي يعجبك بس اعتذرت ليها، وهي قبل كدا قالت أنها واحدة من جمهوري، وأنا بقرأ البوست بتاعها حسيت أن حقي عند الله سبحانه وتعالى، كل واحد ياخد حقه عند ربنا.

بيومي فؤاد يوجه رسالة لمحمد سلام باكيًا: ازاي متطلعش تدافع عننا

بيومي فؤاد في مسلسل الكبير اوي

جدير بالذكر ، أنه يعرض للفنان بيومي فؤاد في الفترة الحالية وضمن سباق مسلسلات رمضان 2024، مسلسل الكبير اوي الموسم الثامن، وهو من بطولة الفنان أحمد مكي وعدد آخر من نجوم الفن من بينهم الفنان محمد سلام ورحمة أحمد ومجموعة من ضيوف الشرف.