أيتن عامر: ممكن أبقى زوجة تانية واللي مش عاجبه دور الرقاصة في رمضان يتفرج بعد الفطار

واصلت الفنانة أيتن عامر تصريحاتها الجريئة خلال حلولها ضيفة على برنامج العرافة والذي تقدمه الإعلامية بسمة وهبة على شاشة قنوات المحور، وكشفت من خلالها رأيها في كونها زوجة ثانية وتفاصيل مشاهدها الجريئة في مسلسل زوجة واحدة لا تكفي.

أيتن عامر: ممكن أكون زوجة تانية 

وقالت أيتن عامر في تصريحات رصدها موقع تحيا مصر: الراجل اللي واثق في نفسه وراجل بمعنى الكلمة مش مجرد ذكر هو اللي تبقى في حياته ست واحدة بس، وممكن اكون زوجة تانية لو الراجل قال لمراته الأولى أنه هيتجوزني.

متتفرجوش.. أيتن عامر تتحدث عن جراءة دورها في مسلسل زوجة واحدة لا تكفي 

وتحدثت أيتن عامر عن جراءة دورها في مسلسل زوجة واحدة لا تكفي والذي يعرض ضمن سباق مسلسلات رمضان 2024 حيث قالت أيتن عامر، ردا على سؤال بسمة وهب: "بترقصي من اول حلقة مش مراعية رمضان خالص؟": "أيتن عامر: لو هنفكر كلنا كدة يبقى نقعد في البيت احسن"

وتابعت أيتن عامر حديثها: الفن دوره أنه يسلط الضوء على المشاكل اللي بنعاني منها مش هندفن راسنا في الرمل، واللي شايف أن دور الرقاصة مش مناسب في رمضان يتفرج بعد الفطار أو بعد رمضان.

وأكدت أيتن عامر: انا ملزمة بالاسكريبت ودي نماذج في المجتمع ولو مش عايزين حاجة جريئة يبقى بلاش فن ولا ابداع.

أيتن عامر: كنت بقبل أعمال مش راضية عنها 

وتطرقت أيتن عامر بحديثها عن أعمالها الفنية، حيث قالت: زمان كنت بقبل أعمال مش راضية عنها بس دلوقتي اتعلمت أقول لا، وده اللي كانت دايما اختي وفاء عامر بتنصحني ليه وفعلا بقيت أحس بقيمتي اكتر بالطريقة دي ومبقتش أجامل حد على حساب نفسي.

مفيش راجل بيكفيه زوجة واحدة وفي حاجات بلقح بيها على السوشيال ميديا.. أبرز تصريحات ايتن عامر للعرافة

يذكر، أن أيتن عامر تشارك في مسلسل جودر كضيفة شرف في أول حلقات من العمل، حيث بدأ عرضه في مساء أمس الثلاثاء وشارك في بطولته كلا من النجوم ياسر جلال، ياسمين رئيس، أحمد فتحي، وليد فواز، وفاء عامر، أيتن عامر، سامية الطرابلسي، عبدالعزيز مخيون، أحمد بدير، محمد التاج، جيهان الشماشرجي، أحمد ماهر، عايدة رياض، محمود البزاوي، فتوح أحمد، محمد علي رزق، إسلام حافظ، مجدي بدر، هنادى مهنى.