سمية الخشاب: اللي بيحصل في برنامج رامز جلال إهانة ورفعت قضية عليه ومش هسيب حقي

حلت الفنانة سمية الخشاب ضيفة على برنامج تفاعلكم المذاع على قناة العربية، وتحدثت خلاله في العديد من التصريحات الهامة حول ظهورها في برنامج رامز جاب من الآخر والذي يقدمه الفنان رامز جلال.

سمية الخشاب عن رامز جلال: هاخد حقي منه وكل اللي بيفرق معاه يلم مشاهدات 

تحدثت سمية الخشاب عن حلولها ضيفة على برنامج رامز جاب من الآخر الذي يقدمه الفنان رامز جلال، حيث قالت في تصريحات رصدها موقع تحيا مصر: هما قصوا كتير جدا ليا وأنا بقول رجلي بتوجعني وكتفي وجعني، ولحظة وقعتي كانت وقعة قوية بس هو قص كتير عشان ميبانش إن أنا اتصابت .. وأنا عندي تمزق في الأربطة في رجلي في كتفي ومش بعرف أحرك إيدي بارتياح.

وتابعت سمية الخشاب حديثها، قائلة: اللي يزعل ان ولا حد منهم كجهة انتاجية اتصل بالناس وقال سلامتكم أو أسف. هو احنا في غابة يا جماعة؟ مش مهم الناس يحصلها ايه المهم أطلع أنور وأعمل مشاهدات عالية؟ المهم مصلحتي والباقي يتحرق؟ ايه اللي بيحصل دة دة مهزلة لا يمكن السكوت عليها، الناس تتؤذي في صحتها. ما أنا عملتها معاه 4 سنين قبل كدة بس كنت عارفة إيه اللي بيحص لكن المرة دي متقالش، عشان في تعمد للأذية يبقى انت كدة متعمد تؤذي الناس، دي جريمة يعاقب عليها القانون. قالي إنه برنامج عادي فورمات.

سمية الخشاب عن برنامج رامز جلال: في تعدد لأذية الضيف ومحدش اهتم اني اتصابت 

وأضافت سمية الخشاب خلال حديثها عن برنامج رامز جلال: متأكدة ان في تعمد في الأذية والدليل إن مفيش حد اهتم إنني اتصابت، ولما رحت للمستشفى قالولي انت مش أول حالة، امبارح جالنا 3 حالات من عند رامز. أقل حد اتصاب حصله كدمات متعددة في جسمه. معقول انتوا عارفين بتكسروا في الناس كل يوم ومكملين تصوير؟ وقال أصل الناس ماضية على إنهم موافقين على جميع الملابسات والظروف الخاصة بالبرنامج. يعني ايه؟ أنا موافقة إنني اتكسر؟ أصلا مفيش عقد بيننا بس لو حتى فيه عقد، جسمنا دة مش ملكنا، دة ملك ربنا، فمش من حقك تؤذي جسمي صحيا ونفسيا وعصبيا، فدة ضد حقوق الانسان وضد القانون.

تحول سمية الخشاب ووفاة غالية أبو الدهب...مسلسل ب 100 راجل الحلقة 11

سمية الخشاب توجه رسالة صادمة لطليقها أحمد سعد وأيتن عامر ترد على اتهامات تقليدها لها

سمية الخشاب تعلن مقاضاة رامز جلال بسبب برنامج المقالب

وأكدت سمية الخشاب انها قامت بمقاضاة رامز جلال بهم برنامج المقالب: أنا رفعت قضية فعلا ومن تاني يوم وأنا عاملة إجراء وفي طلب للنائب العام إن ينظر للموضوع. أنا متأكدة إن في ناس اتصابت ومش عايزين يقولوا عشان خايفين MBC تزعل منهم بس هي قناة محترمة وهي بتعرض البرنامج ومش الجهة المنتجة له. انا يعني صحتي دي محدش هيزعل عليها؟ كله إلا الأذية.