ريتا حرب: المجتمع العربي بيلوم المرأة على الطلاق وفكرت اروح لطبيب نفسي والقبلة لو مثيرة عادي

حلت الفنانة ريتا حرب ضيفة على برنامج حبر سري مع الإعلامية أسما إبراهيم على شاشة قنوات القاهرة والناس والتي تحدثت من خلاله عن العديد من الأسرار الخاصة بحياتها الشخصية والفنية، ويرصد موقع تحيا مصر في السطور الأتية أبرز تلك التصريحات.

أبرز تصريحات ريتا حرب في حبر سري

• المجال الفني والاعلامي مزيف وكله في الاضواء بيحب يبين نفسه حلو بس دي مش الحقيقة.
• مصر بلد كبيرة واللي بيقدر ينجح فيها ده إنجاز كبير جدا.
• لما اكون في مصر والاقي المصريين بيحبوني دي حاجة مرعبة وأكبر إنجاز في حياتي.
• المجتمع العربي بيحمل المرأة السبب في الطلاق دايما وبيحملها فوق طاقتها.
• مبحبش أكون طيبة ومتسامحة بزيادة وأدائي بيتطور مع الوقت والخبرة.
• دلوقتي بقدر أخلق شخصيات كتيرة بكل تفاصيلها وأخدت كورسات تمثيل كتير ومجتهدة جدا في الشغلانة وبحب أعمله كويس جدا.
• بزعل أما مش بلاقي صورتي على البوستر ولكن أوقات بتكون اتفاقات قبلها وبكون عارفة قبل أي عمل إنه لا.

• شايفة إنه القبلة لو مش مثيرة عادي في التمثيل ولكن لو مشهد بيدعوا للإثارة فـ لا.
• مكن أعمل دور جريء بس بدون إثارة رخيصة.
• مقدرش أتجوز في السر ولكن لو مرتبطة ولسة بدرس العلاقة مش هعرف الإعلام بيها إلا أما تكون رسمي.
• بتعصب على أشخاص كويسين معايا وده بيخليني أضايق ومعنديش مشكلة أعتذر لو غلطانه لأن الإعتذار قوة.
• مش بتعصب على زملاء معايا في الشغل ولكن ممكن أتعصب على حد من بيتي.
• لو اتعرضت لتحرش باخد حقي في وقتها وعمري ما أسكت على حاجة زي كدة، أنا أوقات كتير بحس إني عايزة أدافع عن البشرية كلها.
• لازم يكون عندنا جرئة إننا نتكلم لو الفنانات اتعرضت للتحرش داخل الوسط.
• مستحيل أشهد زور مقابل فلوس أو أي شيء لأن ده كله مبيهمنيش.

ريتا حرب تكشف عدم زواجها مرة أخرى

على نفس السياق تحدثت ريتا حرب عن سبب عدم تفكيرها بالزواج مرة أخرى وحقيقة علاقة الخيانة بالأمر، قائلة: بالمطلق كل الرجالة خاينين ولكن في خائن لبق بيعرف يخبي وفي خاين مفضوح، مشيرة إلى أن عدم زواجها يعود إلى شخصية الرجل الذي لا يتقبل امرأة قوية، موضحة: " متجوزتش تاني لأن الراجل بيخاف من الست القوية واللي بتشتغل ومسؤولة من نفسها بيحس بالتعب قصادها".