دعاء فاروق: الطبيعي أن الست تقف مع جوزها في شدته زي ما الطبيعي أننا نتحجب

فجرت الإعلامية دعاء فاروق عدة تصريحات رفقة الإعلامية لمياء فهمي، حول طقوس رمضان ووقوف الأولى إلى جانب زوجها في أزمتة الصحية.

طقوس دعاء فاروق في رمضان 

وقالت دعاء فاروق خلال لقاءها مع كاميرا تحيا مصر: رمضان السنادي بقضيه في البيت بعد ما بكون سجلت حلقاتي وطقوسي زي أي ست مصرية بصلي الفجر ونصحى نشوف هنعمل أكل ايه. 

دعاء فاروق تتحدث عن مساندتها لزوجها في أزمته الصحية 

وتابعت دعاء فاروق: الطبيعي أن الست تقف مع جوزها في شدته زي ما الطبيعي أننا نتحجب ونصلي واللي أنا عملته مع جوزي الأصول.

فيما قالت لمياء فهمي: رمضان السنة دي بقضيه في الشغل لأني عندي هواء كل يوم لكن رمضان زمان يختلف كان عباره عن بابا وفوازيره.

تصريحات لمياء فهمي عن والدها 

وتابعت لمياء فهمي: بزعل جدًا لما حد يقولي لمياء عبد الحميد لأن أنا من غير أبويا ولا حاجة.

من جانبه، قالت دعاء فاروق عبر صفحتها الرسمية بموقع تبادل الصور والفيديوهات القصيرة إنستجرام لمنتقدي إطلالتها: ربنا خالقنا برقبة والرقبة تحت الإيشارب وفي إيشارب ملفوف حولين الرقبة  في إيشارب ملفوف حولين الرقبة ولا مافيش.

دعاء فاروق عن تحقق توقع ليلى عبد اللطيف بطلاق ياسمين عبد العزيز: دجل وشعوذة وكفر

بعد تعرضها لوعكة صحية.. دعاء فاروق: قررت إلغاء وتأجيل العديد من أعمالي في رمضان

وتابعت دعاء فاروق: أنا بقى قدامكم على طول لابسة التلبيسة ولا لا جيت مرة غيرت في طريقة اللفة.. ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

وأضافت: أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.

واختتمت دعاء فاروق حديثها قائلة: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.

وعن المساكنة أوضحت، ازاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ.

وتابعت: يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا.

وأضافت: بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول  آه لو مش حرام، يعني إحنا ممكن الصبح نغير اسم بيوت الدعارة بـ  بيوت السعادة  وننزل نسأل الطلاب تحب تروح بيت السعادة ويقولوا آه.