دعاء فاروق عن تحقق توقع ليلى عبد اللطيف بطلاق ياسمين عبد العزيز: دجل وشعوذة وكفر

علقت الإعلامية المصرية دعاء فاروق على تحقق توقع عالمة الفلك ليلى عبد اللطيف، بانفصال النجمة ياسمين عبد العزيز عن الفنان أحمد العوضي، وذلك خلال مقطع فيديو نشرته عبر حسابها الرسمي بموقع تبادل الصور والفيديوهات القصيرة إنستجرام.

دعاء فاروق تنتقد مستضيفي ليلى عبد اللطيف 

وقالت دعاء فاروق في تعليق رصده تحيا مصر: الست اللي طلعت في البرامج عشان التوقعات، والبرامج اللي بتظهر فيها المفروض إنها محترمة، على قنوات وفريق إعداد محترم، الناس دي متعلمة دارسة إعلام، أساتذة كبار في عالم الإعلام والتقديم التلفزيوني، وبيجبوا عندهم ناس بيقولوا عليهم علماء فلك، وبيتوقعوا حاجات عن الناس، وبعدين نقول التوقع طلع صح.

دعاء فاروق تهاجم ليلى عبد اللطيف 

وتابعت دعاء فاروق، أنتم متعرفوش أن دي أعمال كفر بين، وفي شيء اسمه تسخير جن، لما نجي نقول ده بيسخر جن وبيعملوا أعمال كفر، وبيدخلوا بالقرآن في أماكن سيئة، عشان يطلعوا الجن ويقول كلام من المتشقلب.

وأضافت، أنا  لا يمكن أفتح  التلفزيون في الوقت اللي بتجي فيه الفقرات دي، بناخد ذنب كبير أنا بعين واحدة بتعمل أعمال كفر، إنها تنتشر وتبقى مهمة وتبقى أحسن من العلماء والدكاترة.

واستطرد، البرامج بتجيب عالمة فلك، وهي مش عالمة فلك بتتواصل مع ناس بيعملوا أعمال كفر، ده شيء معروف أنتوا عايزين  تنساقوا وراء الكفر اللي فيه حرمانية واضحة، أنتوا مش خايفين يا سادة يا قائمين على هذه البرامج من العذاب العسير، لأنكم بتشكلوا وجدان الأمة والناس، ومحدش ضامن عمره، أنا ممكن أموت حالًا، ده التاريخ اللي هسيبه أن أجيب واحد بيعمل أعمال كفر ويسخر جن عشان يجبله أخبار عبيطة دي أخبار عبيطة مش غيب.

دعاء فاروق تعلق على تحقق توقع ليلى عبد اللطيف بطلاق ياسمين عبد العزيز 

وأوضحت عاء فاروق، ده دجل وشعوذة، وأعمال سفلية، وأعمال جن، عيب أحنا ناس متعلمين ودارسين في أحسن الأماكن، لما تجي تشكل وجدان الأمة بشيء منحط، ويصعب عليا أن في مذيعين بحبهم وشاطرين جدًا  ينساقوا في السكة المتخلفة دي، وكده بفتح باب كبير أن الناس تمشي تؤمن  بأشكال تعمل أعمال كفر.

دعاء فاروق تكشف مفاجأة عن فارق العمر بينها وبين زوجها

كانت عكازه في المرض وبتعامله زي سي السيد.. حكاية بنت الأصول دعاء فاروق مع زوجها

واختتمت  دعاء فاروق حديثها قائلة: لو هي قالت التوقع وطلع صح، ده يخلينا نتأكد  أن الناس دي بتحضر حاجات عن طريق حرام، وبيحضروا جن عشان يقولهم معلومة، الجهل بقى على أكبر قنوات وأهم شاشات ويجني كل هذه المشاهدة، ويعمل كل هذه الدوشة، وهي بتكون يا  محضرة جن، يا تعرف حد يحضره  ليها.