دعاء فاروق تكشف مفاجأة عن فارق العمر بينها وبين زوجها

فجرت الإعلامية المصرية دعاء فاروق مفاجأة حول فارق العمر بينها وبين زوجها عماد، وذلك خلال حلولهما ضيفا على برنامج واحد من الناس الذي يقدمه الإعلامي عمرو الليثي عبر قناة الحياة الفضائية.

تحيا مصر

فارق العمر بين دعاء فاروق وزوجها

وقالت دعاء فاروق: أنا أكبر من عماد زوجى بـ 6 شهور، وتزوجت من عماد منذ 20 عامًا وتزوجنا بسرعة فى خلال شهرين، وربنا أكرمنا ببعض، ووالدته طيبة جدًا وهذا شجعنى على الزواج منه.

وتابعت، جوزي سي السيد، وعانينا في جوازنا، لأني في بداية جوازي كنت ست عندي لسان وبتكلم وبتناقش لكن هو فيه حاجات عنده مفيش فيها نقاش ودي حاجة ما كنتش فاهماها وهو كان عاوزني أقول حاضر من غير نقاش فضلنا كتير علشان نولف مع بعض.

واستطرد زوجها عماد مختار: دي حقيقة في حاجات ممكن ناخد وندي فيها ونتناقش وفيه حاجات مفيهاش مناقشة وهي بتكون عارفة أنها مفيهاش مناقشة وبتتكلم فيها، زي أن حد يعزمنا قبل الميعاد بيوم وده بالنسبة لي عدم تقدير، واحنا اتجوزنا بسرعة ملحقتش أعرف صحابتها ولا طبيعة ظروف عملها وأنا راجل شرقي.

دعاء فاروق في واحد من الناس 

وأضافت دعاء فاروق، زمان كنت أعيط له علشان أروح حفلات القنوات وتعالى معايا ما يوافقش أقول له أروح لوحدي يرفض، والحاجات دي ممكن تخرب بيوت ولكن احنا تخطيناها، وكبرنا وعقلنا، ودلوقتي لو فيه حاجة كده هيقول مفيش مشكلة روحي لأننا عشرة عشرين سنة وعارف أوي أنا إيه لكن في الأول كان قلقان عليا.

اقرأ أيضًا.. 

خاص| عابد عناني يظهر كضيف شرف بمسلسل الحشاشين في رمضان 2024

عابد عناني: رفضت أعمال كتير مؤخرًا لهذا السبب 

من جانبه، علقت دعاء فاروق على منتقدي إطلالتها قائلة: ربنا خالقنا برقبة والرقبة تحت الإيشارب وفي إيشارب ملفوف حولين الرقبة  في إيشارب ملفوف حولين الرقبة ولا مافيش.

تصريحات دعاء فاروق 

وتابعت دعاء فاروق، أنا بقى قدامكم على طول لابسة التلبيسة ولا لا جيت مرة غيرت في طريقة اللفة.. ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

وأضافت، أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.

واختتمت دعاء فاروق حديثها قائلة: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.