عشان أشطر منه.. والدة ضحية زميله بـ كفر الشيخ: كان هيلخص عليه|فيديو

تفاصيل وكواليس جريمة كفر الشيخ، والتي وقعت بسبب غيرة طالب من الأخر، حيث قام بالإعتداء عليه بسبب تفوقه في الدراسة وحصوله على درجات أعلى منه، ويرصد موقع تحيا مصر التفاصيل الكاملة في جريمة كفر الشيخ.

القبض على خادمة الإعلامية أميرة شنب بسبب واقعة الكلب.. القصة الكاملة

قرار عاجل بشأن استئناف المتسبب في وفاة الفنان أشرف عبد الغفور

اخبار وزارة الداخلية اليوم.. لغز مقتل سيدة مطروح وتفاصيل مشاجرة بني سويف

تكلفة وخطوات استخراج تصريح سفر 2024 الكتروني

ضحية زميله في كفر الشيخ: ضربني عشان أشطر منه

وقال محمد ضحية كفر الشيخ لـ موقع تحيا مصر، واحد زميلي ضربني بـ الكتر عشان جبت درجات أعلى منه، هو كان قبلها زقني وأنا طلعت للأستاذ وبعدها هو طلع ورفع عليا كتر وبعدها الأستاذ زعق له وخلاه يبوس راسي.

وتابع ضحية كفر الشيخ، كنا رايحين الدرس وكان معاه كتر وبعدها ضربني من ضهري في راسي من ورا بالكتر وبعدها مسكناه كلنا لكن فلت مننا وضربني تاني في وشي وكل ده عشان كان معايا فلوس وكان عايز ياخدها مني غصب.

ضحية كفر الشيخ: 120 غرزة بسبب الغيرة

واستكمل ضحية كفر الشيخ، ضربني وأخدت 120 غرزة في وشي وراسي من ورا، وهو كان زميلي في الدرس بس مكنش بيني وبينه كلام وكلامنا كان محدود ومكنش بينا خلافات ابدا غير الواقعة اللي حصلت لما رفع الكتر وقولت للمدرس وجه صالحني وباس راسي لكن كان بيبعت لي رسايل فيها شتائم وسب.

وأضاف ضحية كفر الشيخ، أنا مصاب بجرح في صدري وفي وشي والجرح اللي في صدري أخطر لأنه فوق القفص الصدري، وحينما شاهدتني والدتي أصيب بشلل وجلطة في وقتها وتم إيداعها المستشفى في العناية المركزة.

والدة ضحية كفر الشيخ: حرام هو ابني يهودي عشان يحصل فيه كدة

وقالت والدة ضحية كفر الشيخ، حسبي الله ونعم الوكيل لو ابني مش محترم مكنتش زعلت كدة ليه يعمل كدة في ابني، حتى الدكتور قال هو يهودي هو يعمل كدة ليه وإزاي طالب في 3 إعدادي رايح الدرس بـ كتر كدة هو رايح يتعلم ولا رايح يعمل ايه.

واستكملت والدة ضحية كفر الشيخ، الجرح كان في ميكروب وكان عامله سخونية لكن دلوقتي بقى أحسن شوية لما روحنا للدكتور وهو بياخد أدوية كتير وصارف أكتر من 15 ألف جنيه وأدوية وعلاجات ولسه دكتور التجميل قال من 6 شهور لـ سنة، وبعدها أما عمليات تجميل أو صنفرة للوجه طيب نجيب منين وأحنا في حالنا.