بشرب حشيش.. تفاصيل جديدة في اعترافات سائق اوبر بقضية حبيبة الشماع
ADVERTISEMENT
تطورات وكواليس جديدة في قضية فتاة الشروق حبيبة الشماع، كشفها سائق أوبر في إعترافاته ويرصد موقع تحيا مصر كواليس التحقيقات في قضية فتاة الشروق حبيبة الشماع.
كواليس اعترافات سائق أوبر المتهم بقضية حبيبة الشماع
وقال سائق أوبر المتهم بقضية فتاة الشروق حبيبة الشماع، أنه يعمل سائق لدى دكتور شهير بمنطقة القاهرة الجديدة، وفي أوقات الفراغ وايضا في طريقه من منزله بالجيزة حتى منزل الدكتور يقوم بتشغيل تطبيق أوبر لزيادة الدخل الشهري، حيث كان يخرج من منزله بسيارته ويقوم بتشغيل التطبيق حتى يصل إلى الدكتور في القاهرة الجديدة ويقوم بترك سيارته والعمل بسيارة الدكتور حتى العودة في المساء.
وتابع سائق أوبر المتهم بقضية فتاة الشروق حبيبة الشماع، اللي حصل يوم الواقعة أني خرجت من البيت الصبح وروحت بيت الدكتور في القاهرة الجديدة وسبت عربيتي وروحت وصلت الدكتور مشوار بعربيته وبعدها سبته عند واحد صاحبه ورجعت مواصلات جبت عربيتي وفتحت التطبيق وساعتها جات لي رحلة من التجمع لـ الرحاب اللي كان فيها فتاة الشروق حبيبة الشماع.
سائق أوبر المتهم بقضية حبيبة الشماع: لقيتها نطت مرة واحدة
وأضاف سائق أوبر المتهم بقضية حبيبة الشماع، أنه وافق على الرحلة وقامت حبيبة الشماع بالركوب معه، وبمجرد ركوبها السيارة طلبت منه إغلاق صوت الراديو وفي الوقت ده كان مشغل إذاعة الرياضة وفعلا وطيت الصوت وبعدها حسيت أن الجو برد روحت قفلت زجاج السيارة، وساعتها حسيت أن ريحتي سجائر ورشيت برفان في العربية على هدومي عشان الريحة.
واستكمل سائق أوبر المتهم بقضية فتاة الشروق حبيبة الشماع، بعد ما رشيت البرفان لقيت حبيبة فتحت باب العربية ونطت منها على طريق السويس من غير ما أعملها حاجة، وساعتها كملت بالعربية وشوفتها في المراية بتتقلب على الطريق في الأرض لكن مفيش عربية خبطتها وساعتها خوفت أقف عشان محدش يتخانق معايا وخوفت من الناس.
سائق أوبر المتهمب قضية حبيبة الشماع: أنا بشرب حشيش
واستكمل سائق أوبر المتهم بواقعة حبيبة الشماع فتاة الشروق، جريت بالعربية على البيت وحكيت لمراتي وأختي على اللي حصل وكلمت الدكتور قولت له مش هقدر أجي الشغل وساعتها شربت سيجارة حشيش عشان مكنتش عارف أفكر، وأنا بشرب حشيش كل فين وفين تفاريح كدة، وتاني يوم الواقعة اتمسكت في البيت.
جوجل نيوز
تطبيق نبض
