جريمة بعد صلاة الفجر.. والد محمد ضحية الشرقية يكشف مفاجآت عن وفاته|فيديو

تطورات مفاجأة في مقتل شاب في الشرقية على يد آخر بسبب مشكلات، والتقى موقع تحيا مصر أسرة محمد ضحية الشرقية حيث كشف والده التفاصيل الكاملة.

حقيقة المنشطات.. شقيق بطل كمال الأجسام في الغربية: أخويا راح وهو عريس|فيديو

النيابة العامة تحيل سائق أوبر المتهم بواقعة حبيبة الشماع للجنايات

تفاصيل مقتل شاب على يد آخر في رمضان بالشرقية

وقال والد ضحية الشرقية لـ موقع تحيا مصر، محمد أبني في ثانوي أزهري وعنده 18 سنة، وبيخرج على طول مع أصحابه وكان بيروح يلعب كرة مع أصحابه ويغير جو، وكان في واحد هنا في فاقوس مسجل خطر ومعروف وله سوابق دخل الكافتيريا على محمد وأصحابه وقالهم مش عايزين دوشة هنا وأطلعوا برا ولما محمد قاله في ايه راح مطلع المطواة وضربه بيها في وقتها.

وتابع والد ضحية الشرقية، جالي تليفون الساعة 11 الصبح من سائق توك توك قالي أنا في المستشفى العام وابنك متعور تعالى شوفه، ولما روحت المستشفى لقيت محمد دخل غرفة العمليات، وفي اليوم ده كان خرج محمد راح النادي الساعة 7.30 الصبح، واللي سمعته من اللي كان معاه أن المتهم داخل قاله مش عايزين دوشة هنا ومسك فيهم وقتل محمد.

والد ضحية الشرقية: روحت المستشفى لقيت ابني خلصان

وأضاف والد ضحية الشرقية، شالوا محمد وحطوه على ترابيزة وراحوا يجيبوا توك توك وحطوه وأول ما راح المستشفى ودخل العمليات مات في العمليات، ولما روحت شوفته كان غايب عن الوعي، واللي عرفته أنه كان بيتكلم لحد ما دخل العمليات لكنه مخرجش، ومحمد مش بيشيل وكان في مشاحنات من قبل كدة وأنا قولت له أبعت أنت وأصحابك عن الواد ده لأنه مش سنك ومش كويس.

واستكمل والد ضحية الشرقية، اليوم ده محمد بعد الفجر بيطلعوا يتمشوا سواء في النادي أو الكافتيريا أو يلعبوا كرة، ومحمد خرج مع أصحابه في اليوم ده وعادي جدا، وكان طالب أزهري وحافظ القرآن وأخر مرة شوفته فيها يوم الوفاة بعد صلاة الفجر كنت على الطريق صلى الفجر ونام وأنا نمت وبعدها خرج محمد الصبح لأصحابه، ومرجعش تاني.

والد ضحية الشرقية: القصاص من القاتل وردع للمسجلين

واستطرد والد ضحية الشرقية، لما خرج من العمليات كان توفى ومسمعتش صوته نهائي وتم القبض على المتهم في نفس اليوم، وطبعا احنا شاكين في واحد تاني أنه استدرج محمد للمتهم ولسه طبعا مستنين التحريات والقصاص، وطبعا الموضوع ده بيتكرر كتير، الشباب المسجل والخناقات والحاجات دي وكل اللي عايزينه القصاص وحق محمد واستعجال ضبط المسجلين ومحاكمتهم محاكمات رادعة.