عصام عمر لـ فاطمة مصطفى: اتعرض عليا أنا وأحمد داش نمثل مع بعض بدون وجود سيناريو

كشف الفنان عصام عمر كواليس خاصة بـ مسلسل مسار إجباري وكيف جاء مشاركته في العمل المعروض ضمن سباق مسلسلات رمضان 2024، فضلا عن ظهوره في أكثر من شخصية مختلفة في أعمال درامية متتالية، وذلك من خلال حلوله ضيفا على برنامج الراديو بيضحك للإعلامية فاطمة مصطفى.

عصام عمر: اتعرض علينا فكرة إننا نمثل أنا وأحمد داش مع بعض دون وجود سيناريو

وقال عصام عمر في بداية حديثه عن تفاصيل المشاركة في مسلسل مسار إجباري، في لقاءه مع الإعلامية فاطمة مصطفى مقدمة برنامج الراديو بيضحك على راديو 90: 90، وفي تصريحات رصدها موقع تحيا مصر: مشروع مسار اجباري كان أساسه أننا نبقى انا وأحمد داش مع بعض في عمل فني ومكنش لسة فيه ورق ولا قصة ولا حاجة، هي كانت الفكرة بس إننا نعمل مع بعض مسلسل، وبعدها قعدنا مع بعض وبدأنا نرتب الفكرة والقصة وكدة.

وتطرق عصام عمر بحديثه عن شخصية وليد المغازي في مسلسل مسار إجباري، قائلا: هو صديقي من زمان وفنان وموهوب جدا، وكان هو اللي بيخرجنا من مود الإكتئاب اللي كان فيه طول أحداث المسلسل، كان هو بالنسبة لينا مصدر الضحك.

عصام عمر: بحب أقدم شخصيات مختلفة

وتطرق عصام عمر في اللقاء بحديثه عن الأعمال الفنية المتتالية التي قدمها وتنوعت بها شخصياته بين الطيبة والشر، قائلا: بحب اقدم شخصيات مختلفة في أعمالي ومتعتي الحقيقية وانا بعمل الشخصية اكتر من إني اشوف ردود فعل الناس عليها، وخوفت من دوري في مسلسل بطن الحوت لأن الناس شايفني طيب خاصة بعد دوري في بالطو.

وقال عصام عمر عن علاقته التوكسيك في مسلسل مسار اجباري: وانا بصور مشاهدي معاها كنت بقول مفيش حد حمار بيعمل كده.

مسلسل مسار إجباري الحلقة 11.. عصام عمر وأحمد داش في مأزق جديد بسبب قضية قتل حبيبة

أحمد داش مع فاطمة مصطفى

وكان تحدث أحمد داش خلال لقائه مع فاطمة مصطفى عن تفاصيل المشاركة في مسلسل مسار إجباري وهل تخوف خوض السباق الرمضاني أمام كبار نجوم الفن الأن، قائلا فكرة شباب ونجوم دي لازم نلغيها، إحنا الوحداء في مصر اللي بنكتب النجم الشاب أو النجم الصاعد أو كدة، إحنا لازم نكسر الحاجز ده عندنا، احنا في مصر دايما فيه خوف من الشباب والفكرة دي لازم تتلغي انت لو عندك عمل كويس هيفرض نفسه سواء بعيل صغير او نجم كبير، واتحمسنا اننا نكسر أنا وعصام عمر فكرة الخوف من السن من خلال مسلسل مسار إجباري.