برنامج أسرار| عصام صاصا يكشف عن تعرضه للابتزاز هو وزوجته من أحد أصدقائه

كشف مطرب المهرجانات عصام صاصا عن تفاصيل عديدة في حياته الشخصية ومصاعب مر بها خلال رحلته الفنية خلال حواره مع الإعلامية أميرة بدر في برنامج أسرار على قناة النهار، كما أن هذه تعد المرة الأولى التي يظهر بها عصام صاصا ضيفًا في برنامج تليفزيوني.

عصام صاصا يروي كواليس زواجه في برنامج أسرار

وروى عصام صاصا كواليس زواجه من أم ابنه جهاد لأول مرة خلال لقائه في برنامج أسرار والذي يرصده موقع تحيا مصر، كما كشف عن الصعاب التي مروا بها سويًا والابتزاز الذي تعرض له وقال: "قصتي أنا وجهاد مراتي بدأت لما اتعرفت عليها وكنت معروف شوية، وكنت بحارب عشان أشوفها وهي بتتهرب مني وكانت في مرة في كافيه فعملتلها مفاجأة وقولتلها غمضي عينك وفتحت لقيتني جمبها، وأنا بحبها أوي ووقفت جمبي كتير".

برنامج أسرار.. عصام صاصا: كنت بتجوز أنا وجهاد ومعانا المأذون على التليفون

وتابع مطرب المهرجانات عصام صاصا حديثه خلال استضافته في برنامج أسرار مع الإعلامية أميرة بدر، وتحدث عن زوجته جهاد وكيف تعرضا للابتزاز من صديقه، حيث قال: "كنت قاعد أنا وجهاد ومعانا صاحبتها وبنقول عايزين نتجوز وكلمنا مأذون في التليفون وقالنا نقول ايه، ولما صاحبتها اتخانقت معاها نزلت الفيديو وصاحبي استغل الفيديو واتعملنا قضية تزوير وقتها، عشان ياخد مليون جنيه ولما واجهته قالي عشان غلطت في والدتي، والجواز محتاج حد يكون فاهمه أنا ضد الجواز مرتين وعمري ما اخون مراتي وموضوع طلاقنا دا كان إشاعة".

زوجة عصام صاصا تكشف عن السر وراء خلعها للحجاب.. تعرف عليه

برنامج أسرار| لقاء الخميسي: أنا ممثلة من قبل خالد سليم وحقي احط اسمي قبله

عصام صاصا: مفيش حد خيره عليا ولو حمو بيكا قال إنه ساعدني يجتمع بيا ونشوف

ورد عصام صاصا لأول مرة على تصريحات مطرب المهرجانات حمو بيكا السابقة عنه حيث قال أنه "قليل الأصل" وأنا ساعده كثيرًا، ليرد عصام صاصا قائلًا: "مفيش حد بينجح حد غير ربنا ويمكن يكون ربنا اختارني عشان أنا مراعي ربنا في بيتي، ولو حمو بيكا قال إنه ساعدني يجتمع بيا ونشوف، أكبر مشكلة بيني وبين حمو بيكا هو إدارة أعماله وكل الناس بتقول عليه نصاب وحرامي ولما ساب حمو بيكا اشتغل معايا ومكنتش بصدق كلام الناس عنه، وأول مرة شوفت فيها حمو بيكا كان في تسجيل أغنية رب الكون ميزنا ب ميزة وقولتله ساعتها وشي حلو عليك".