زوجة عصام صاصا تكشف عن السر وراء خلعها للحجاب.. تعرف عليه

كشفت جهاد أحمد زوجة مؤدي المهرجانات عصام صاصا، عن سبب خلعها الحجاب، وذلك بعدما وُجه لها سؤال من أحد متابعيها عبر حسابها الرسمي بموقع تبادل الصور والفيديوهات القصيرة إنستجرام.

زوجة عصام صاصا عن خلعها الحجاب: كنت بروح مع عصام أماكن مينفعش فيها الطرحة

وقالت جهاد أحمد زوجة عصام صاصا في تعليق يرصده تحيا مصر: قلعت الحجاب علشان كنت بلبسه يومين وبعدين أخلعه، وفيه ساعات كنت بروح مع عصام أماكن مينفعش فيها الطرحة، فكنت بخلعها ومش صح إني ألبسها شوية وبعدين أخلعها، ودلوقتي خلعتها لحد ما ربنا يهديني وأرجع ألبسها تاني

عصام صاصا يطرح أغنية أمي الحياة

على الصعيد الآخر، طرح عصام صاصا أغنية أمي الحياة عبر قناته بموقع الفيديوهات العالمي يوتيوب، وتقول كلماتها:

كلمات أغنية أمي الحياة عصام صاصا 

ابكي على ايه
ولا ازعل على ايه
ما اللي راح خلاص
ما عُدتش اندم عليه

ده زماننا فيه الاوباش
اللي بيكرتو بالجنيه
تكسب فيه لو بكاش
تخسر لو ممعكش يا بيه

الحياه فاشوش
روَّق وانسى الجراح
الصحاب مجوش
وقت الشده الكل راح

الاحباب ما زاروش
كله حابب المرواح
دول مقدروش
يبقى خلاص مفيش سماح

حِب اللي يحبك
قدّر اللي يقدرك
فوّق للي منك
ياما امنته وعورك

شيلته ما شالش عنك
ولا عمره يوم قدّرك
في الوش عامل بيحبك
من جواه بيكرهك

امي الحياه
هي الجنه وارضها
قلبي انا بلقاه
حاجه تانيه في حضنها

لما اقول الآه
ملقاش غيرها الجأ لها
ولا تسوى الدنيا
حاجه غير في قربها

دنيا وكاس وداير
والجدعان بقوا اونطه
ده اللي يجيلك زاير
كان هدفه يملا الشنطه

فاقد عقلي طاير
كل يوم انا في مطارده
من الصحاب يا ساتر
قلبي خلاص طالب فرده

صابر الجوكر الجن
اصحاله عم البلد

وسط النار بيفوت
مش بيهيب كثره وعدد

احنا جيهتنا اسود
اصغرنا معروف اسد
اصحا لارض الموت
عين شمس دي اجدع بلد

انتي العشق الغاليه
انتي حياتي ودنيتي
بت انتي حاجه تانيه
انتي حبيبتي وصاحبتي

فاهمك رايدك من الدنيا
ما انتي عليها جنتي
خطفتني عينيها فثانيه
بقيتي يا بت حتتي

مين غيرك يا صاحبي
اللي قسمني في لقمتي
صاين عيشي وملحي
مليش غيرك يا فردتي
انتَ اللي معايا عالدوغري
سكتك دي سكتي
لو حد زاولك قولي
وقتي هشقه بمطوتي

اتنسيت بقيت
شبه البيت المهجور
مانا لو كنت حويط
كان زماني عندي قصور

لكني كنت عبيط
اي حاجه فدايا تغور
من الدنيا اتهاريت تخبيط
وبقيت فاقد الشعور

مروة عبد المنعم عن ارتداء ابنتها الحجاب: اعترضت وقولتلها ايه الهبل دا

لبست شبهها واتصورت في نفس المكان.. حقيقة تقليد ريم طارق لـ زوجة عصام صاصا