مروة عبد المنعم عن ارتداء ابنتها الحجاب: اعترضت وقولتلها ايه الهبل دا

فجرت الفنانة المصرية مروة عبد المنعم عدة تصريحات، وذلك خلال حلولها هي وابنتها حور ضيفا على الإعلامية نورين شحاتة التي تقدم برنامجها البيه والهانم  مع الإعلامي ممدوح الشناوي، عبر قناة القاهرة والناس الفضائية.

تحيا مصر يرصد تصريحات مروة عبد المنعم حول ارتداء ابنتها الحجاب.

سبب اعتراض مروة عبد المنعم على ارتداء ابنتها الحجاب 

وقالت مروة عبد المنعم: اعترضت في البداية لأني عارفة دماغ بنتي لأنها أبعد ما تكون عن الحجاب لأن حور بتحب الحياة وعاوزة تعيش وتلبس وكنت بتخانق معاها أن لبسها قصير، وفجأة قلت لها أنتي هتتحجبي فعلًا ده قرار صعب، قالت لي ماما أنا مخضوضة ما تخوفنيش، قلت لها خدي القرار زي ما أنتي عاوزة، وهي دايمًا كده في قرارتها لما تكون عاوزة الحاجة لازم تحصل.

تصريحات مروة عبد المنعم 

وتابعت، حبيت فكرة تصوير الفيديو لأني بشوف بنات بتتحجب وبيعملوا كده مع أهاليهم، وكان مهم أعرف رد فعل كل عائلتي، وكلهم ما تخيلوش أن حور ممكن تتحجب.

رد مروة عبد المنعم على منتقديها

وأضافت، كل واحد أدرى ببيته وولاده، وحور وهي داخلة عليا قلت لها إيه الهبل ده، وده طبيعي أنا وبنتي بنتكلم، الناس خدوها إيه الهبل ده على أني بتكلم عن الحجاب، وقالوا إزاي تقولي كده، ولكن ده حوار بيني وبين بنتي ومش قصدي أقول عبط على الحجاب بقول إيه العبط ده يعني ما تهزريش في الموضوع ده.

واختتمت مروة عبد المنعم حديثها قائلة: أنا أكيد بشجع بنتي، ولكن أنا أدرى واحدة ببنتي وأنها متقلبة المزاج، لكن أنا مؤمنة أنها لازم تعيش كل التجارب، وفيه مرة قالت لي عاوزة أصبغ شعري قلت لها هيدمر، قالت لي صحابي عملوا كده، وبعد نصايح كتير ليها، قلت خلاص خليها تخوض تجاربها بنفسها والموضوع طالما بره الأخلاق والدين مفيش مشكلة، ولما خاضت تجربة صبغ شعرها، باظ وادمر رجعته أسود تاني وبتعالجه، والتجارب دي لما تكبر هتخليها تشبعت من كل حاجة.

اقرأ أيضًا.. 

طارق الشناوي لمنتقدي أعمال الجريمة: هل في رعب أكتر من أفلام الرعب المباحه في مصر

بعد الهجوم عليها بسبب مسلسل الفريدو.. إلهام شاهين: أنا موعودة بكده دايمًا 

وكانت قالت مروة عبد المنعم: أنا مش شريرة خالص، وبتضايق من طيبتي، نفسي أبقى شريرة، وحويطة، أنا أطيب حد ممكن تشوفيه في حياتك، وعلى طول بندم على طيبتي لأنها على طول بتوقعني في مشاكل كتير جدا.

وتابعت، مثلا تلاقي حد كلمني في مشروع، وأنا معرفوش أصلا، وحسيت أنه طيب، وقالي هنعمل كذا وكذا، اديتله كل فلوسي ونصب عليا، أنا ممكن أدي عفشي لحد.

وأضافت، دايما أقول أن الطلاق له رهبة زي رهبة الموت، مهما كنت مؤهلة نفسك للطلاق دا، لكن فيه حياة جديدة بتتبني، حياة لوحدك مفيش بابا أو زوج، أنتي مطلقة مع الحياة، شيء مرعب ومسئولية، تحدي قوي جدا وصعب.