ليلى عبد اللطيف: لو كتبت قصة حياتي ولادي هيتأذوا وسعيت لمقابلة الشيخ الشعراوي وأنا بريئة من الجن

حلت خبيرة الأبراج ليلى عبد اللطيف ضيفة على برنامج العرافة والتي تقدمه الإعلامية بسمة وهبة على قناة المحور، وفجرت من خلاله عدد من التصريحات الجريئة لأول مرة عن سر معرفتها بالأشياء قبل حدوثها وعلاقتها بالجن وغيرها من الأشياء الصادمة، ومن المقرر أن يرصد تحيا مصر أبرز تصريحات ليلى عبد اللطيف في التقرير الأتي.

أبرز تصريحات ليلى عبد اللطيف

• بدأت اتوقع وانا عندي 12 سنة ووالدي كان شيخ ازهر وانا مؤمنة وبصلي وبصوم.
• مبفهمش بالتوقعات ولا التنبئات ولا الجن انا بريئة من ده كله والناس بيسموني صاحبة الإلهام الخارق.
• سألت شيخ في السعودية عن اللي بيحصلي قال ممكن تكون هبة من عند ربنا ويوضع سره في أضعف خلقه.
• في شيخ تنبأ بشكل جوزي وهو مشفهوش وفسر اللي عندي بإنه عطاء من عند ربنا.
• اللي عندي كرامة من عند ربنا وعيب تقولوا أن حد بيعرفني اي اللي حصل عشان اطلع اقوله.
• كنت بين الحياة والموت وصحيت فجأة والدكاترة قالوا دي معجزة.
• أما حكيت للشيخ عن المعجزات اللي بتحصلي قالي يا ريتك ما قولتي يمكن دي كرامات أو ولي.
• كان نفسي اوصل لحد يفسرلي اي اللي بيحصل معايا ده أنا بعرف الناس هيحصلهم اي في المستقبل من اول مرة أشوفهم فيها.
• سعيت اني اقابل الشيخ الشعراوي ومعرفتش.. كنت تعبت وزهقت من اللي عندي ده.
• عندي إلهام بكل شيء ومجبتش ده من عندي فهو مش حرام.
• صعب اكتب قصة حياتي ولو حصل هيأذي ولادي من اللي شوفته.

ليلى عبد اللطيف وتنبؤها بطلاق ياسمين عبد العزيز وأحمد العوضي

من ناحية أخرى، كان قد ذاع صيت ليلى عبد اللطيف بعدما خرجت وتنبأت بطلاق الفنانة ياسمين عبد العزيز والفنان أحمد العوضي مع بداية عام 2024 أو في 2025، ليخرج الثنائي ويسخران من تصريحات ليلى عبد اللطيف ولكن في شهر يناير من 2024، أعلنت ياسمين عبد العزيز انفصالها رسميا عن العوضي، ما أحدث ضجة كبيرة خلال تلك الفترة وبدأ يستضيفها كبار نجوم الفن.

أول تعليق من ليلى عبد اللطيف بعد تنبؤها بطلاق ياسمين عبد العزيز وأحمد العوضي

وفي أول تعليق لـ ليلى عبد اللطيف بعد طلاق الثاني، قالت في تصريحات تليفزيونية: كذب المنجمون ولو صدقوا، أنا مش منجمة ولا ليا علاقة بعالم النجوم، أنا عندي إلهام وإحساس قوي لا أكثر ولا أقل، ولو كنت أعرف ياسمين عبد العزيز وأحمد العوضي كنت اتصلت بيهم وقولتلهم خلوا بالكم هيحصل حاجة وكنت وقفت جنبهم ومكنش يحصل طلاق.