لحظة اعتراف مدرس الفيزياء بانهاء حياة طالب الدقهلية.. فيديو

ادلي مدرس الفيزياء المتهم بقتل طالب الدقهلية بإعترافات تفصيلية خلال نظر أولى جلسات محاكمته في القضية أمام المحكمة، حيث قرر بأنه ندم على فعلته كما أكد على أنه هو مرتكب الواقعة بنفسه وبدون مساعدة أحد.

والد طالب الدقهلية بعد أولى الجلسات: جاي يندم هنا في المحكمة |فيديو

القصة الكاملة للعثور على اسد التجمع المتجول في الشارع

لحظة اعتراف مدرس الفيزياء بقتل طالب الدقهلية

وخلال أولى جلسات محاكمة المتهم بقتل طالب الدقهلية، لم يحضر عنه محامي كما حضر الجلسة محامي المدعى بالحق المدني، وفي بداية الجلسة طلب رئيس المحكمة من حرس المحكمة إحضار المتهم مدرس الفيزياء أمامه من القفص.

وقال مدرس الفيزياء المتهم بقتل طالب الدقهلية أمام المحكمة في الجلسة التي رصدها موقع تحيا مصر، أنه اسمي محمد وبشتغل مدرس فيزياء، وبدي دروس خصوصية وأنا لسه ما اتخرجتش من الكلية وكنت سايب مادة في كلية التربية قسم الفيزياء عشان تأجل الخدمة العسكرية.

مدرس الفيزياء قاتل طالب الدقهلية يعترف أمام المحكمة

وتابع المتهم - مدرس الفيزياء - قاتل طالب الدقهلية، كنت بدي دروس لـ طلاب إعدادي وأنا ارتكبت الواقعة دي بكامل إرادتي وقتلت إيهاب، وطلبت من أسرته مبالغ مالية، وكان الغرض من جريمتي مساومة أسرة إيهاب ومكنش الغرض في إني أعمل فيديو ويجيب مشاهدات.

وأضاف المتهم بقتل طالب الدقهلية، اللي بيساوم حد مفروض يخطفه بس أنا معرفش الخطف ولا أعرف حد بيعرف يعمل ده وبالتالي مكنتش أعرف أنفذ لوحدي والفكرة اللي جت في دماغي أني أقتله ويبان أنه خطف ومكنش حد هيعرف أنه مات وكنت هقول أنه لسه عايش.

قاتل طالب الدقهلية: انا اللي قتلت لوحدي بدون مساعدة

واستكمل المتهم بقتل طالب الدقهلية، أنا مكلمتش عشان بقى في شرطة الموضوع بقى في قلق كتير، ومحدش ضغط عليا عشان اعترف وعضو النيابة لما كان بيحقق معايا قولت له أنا اخطأت ولازم عدل ربنا يتاخد وأنا ندمان واخطأت في حق إيهاب وحق أهلي وكل الناس اللي انصدموا فيا، واللي عمل كل الجريمة هو أنا ومحدش ساعدني ولا اشترك معايا.

وأكد المتهم - مدرس الفيزياء - بقتل طالب الدقهلية، أسرتي الناس بتبص لهم بنظرات غريبة، وهما ملهمش ذنب وأنا بس اللي غلطان وبطلب الرفق بأهلي وأسرتي، ورد عليه القاضي لابد من انتداب محامي للمرافعة عنك وأنا هنتدب محامي للدفاع عنك.

وبعد سماع أقوال المتهم مدرس الفيزياء قاتل طالب الدقهلية، قررت المحكمة تأجيل نظر القضية لجلسة 21 إبريل، وذلك بعد إعترافه بارتكاب الواقعة بالكامل.