والد طالب الدقهلية بعد أولى الجلسات: جاي يندم هنا في المحكمة |فيديو

تفاصيل جديدة وتطورات كشفها والد طالب الدقهلية المجني عليه على يد مدرس الفيزياء، بعد انتهاء أولى جلسات محاكمة المتهم وتأجيل القضية لجلسة 21 أبريل القادم لانتداب محامي للمتهم.

مفاجأة في أول جلسة.. قاتل طالب الدقهلية: غلط وعايز قصاص ربنا|فيديو

لغز قطعة الخيش.. محامي طالب الدقهلية يكشف مفاجآت جديدة في القضية|فيديو

والد طالب الدقهلية يعلق على أولى جلسات القضية

وقال والد طالب الدقهلية مدرس الفيزياء لـ موقع تحيا مصر، بعد انتهاء جلسة محاكمة المتهم، أن المتهم اعترف أمام المحكمة بجريمته والاعترافات شيء متوقع منه واعترفها قبل كدة في النيابة، والندم ده أي حد بيعمل حاجة غلط بيندم، وهو جاي بعد ما ارتكب الجريمة يندم هنا في المحكمة.

وتابع والد طالب الدقهلية، أهلك وطفلك الصغير مسئولين منك جاي تندم هنا وأنا معرفهوش معرفة شخصية وأنا لم أنظر له ولن أنظر له، وأنا سامعه بيقول للقاضي أنا اللي قتلت طالب الدقهلية ومش عايز محامي، وطبعا دي صورة قانونية لابد أن تكتمل ولازم المحكمة تنتدب محامي له، وتوقعت أن يكون في محامي يماطل لكن هو نفسه لم يماطل وطلب القانون ياخد مجراه.

والد طالب الدقهلية عن المتهم: ده عايز الساحر مش محامي 

وأكد والد طالب الدقهلية، مدرس الفيزياء المتهم بقتل ابني كان مستسلم وراضخ لانه عارف أن المصير محتوم، والمحامي لو واحد متهم وهو برئ المحامي هيساعده لكن الاتهام ثابت ده عايز ساحر مش محامي، الموضوع محتوم وواضح والمتهم معترف والقصة خلصانة، وكمان من ضمن إعترافاته أنه قال أنا بحضر للجريمة من زمان وطريقة تحضير السلاح ومكان تنفيذ الجريمة وملقاش غير المكان اللي بيديله فيه الدرس.

واستكمل والد طالب الدقهلية، المتهم قال أنا معنديش حد يساعدني ولا أعرف حد يساعدني، وهو كان بيراهن أننا مش هنبلغ الشرطة فيقدر يخفي الجثة ويتزنا براحته، وطبعا الوضع اللي شوفناه في المحكمة تبلد في الأحساس وبرود أعصاب، والحكم النهائي عندنا ثقة كبيرة في القضاء والقصاص قريب جدا، وكل الناس كانت متوقعة أن محامي مدرس الفيزياء كان هيتنحى كدة كدة واعتراف المتهم من عدمه لا يمثل بالنسبة لي أي شيء.

والد طالب الدقهلية: كان هينفذ جرائم تانية مع طلاب لو نجح

واستطرد والد طالب الدقهلية، المتهم قال أنه كان هينفذ جرائم تانية مع الطلاب لو كان قدر يخفي جريمته الأولى وكان عايز ياخد فلوس بطريقة سهلة وحسبي الله ونعم الوكيل عند الله تجتمع الخصوم، وزي ما بعض الناس علقوا عليه أنه أول حد يعمل كدة وهو كان أولى واحد يتحمل مسئولية سمعة أسرته ويفكر فيها قبل ما يرتكب الجريمة اللي زي دي وهو المتحمل المسئولية تجاه أسرته.