حاول تلفيقها لأخويا.. والد طالب الدقهلية لـ تحيا مصر: صدمتي في المدرس تعادل مقتل إبني | فيديو

تفاصيل جديدة في مقتل طالب الدقهلية إيهاب أشرف على يد مدرس الفيزياء، حيث كشف والد طالب الدقهلية خلال أولى جلسات محاكمة المتهم تفاصيل الواقعة وجريمة مدرس الفيزياء.

محامى مدرس الفيزياء يكشف مفاجأة في قضية طالب الدقهلية.. تفاصيل

غدروا بيه وواثقة في القصاص.. زوجة ضحية جيرانه بـ الدقهلية: قتلوه قدام ابنه|فيديو

إصابة 4 أشخاص في حادثي تصادم بـ الدقهلية

خنقها بجنزير وربط بناته.. مصرع ربة منزل على يد زوجها بالدقهلية

والد طالب الدقهلية: حسبي الله ونعم الوكيل في المدرس

وقال والد طالب الدقهلية لـ موقع تحيا مصر، أنا كنت في العمرة في السعودية ورجعت مخصوص عشان الجلسة، والحدث جلل ومفيش حاجة عندي أهم منها عشان أحضرها، وحسبي الله ونعم الوكيل في المتهم ومفيش عندي أكتر من كدة وربنا هو المنتقم.

وتابع والد طالب الدقهلية، أنا كلي يقين أن الحكم هيكون بالإعدام لكن أمتي دي كلها إجراءات قضائية وأنا واثق في إجراءات القضاء وأن القصاص قريب، وطبعا كان صدمة بالنسبة لي كبيرة أن المدرس هو اللي عمل ده زي صدمتي في أبني بالظبط.

والد طالب الدقهلية: ابني كان واخده قدوة وهو غدر بيه

وأضاف والد طالب الدقهلية، إيهاب الله يرحمه كان واخده قدوة وده اللي كان ظاهر للجميع، لكن اتضح بعد كدة أن المتهم كان بيقربه منه عن قصد عشان يقدر ينفذ أفعاله الخسيسة عشان إيهاب الله يرحمه يديله الأمان ويقدر المدرس ينفذ جريمته.

وأكد والد طالب الدقهلية إيهاب أشرف، أنا مقابلتش المدرس في النيابة ولا في الشرطة، والمرة الوحيد كانت قبل ما نلاقي إيهاب ساعتها كان بيدور معاها وأعتذرت له أننا سببنا له قلق وهو ساعتها كان بيدور معانا وبيسأل كل شوية عن إيهاب وطبعا مكنش في شك.

والد طالب الدقهلية: كان بيراقب تحركاتنا وحاول يلفقها لـ عم إيهاب

واستكمل والد طالب الدقهلية، المتهم كان بيتصل كل شوية وبيطمن معانا وبيراقب تحركات الأسرة، وعايز الكل ياخد باله هو كان بيعرف كل التحركات من أبن أختي اللي كان زميله في الدراسة، وأي حد بيراقب تحركات ويسأل بإهتمام شديد بيخبي حاجة وراه.

وهو كان بيحاول يضلل العدالة بتغير أقوال الشهود من الطلاب لتزوير الشهادات، ودي كانت محاولة فاشلة منه في تضليل العدالة لكن الله كريم، وهو قال في تحقيقات النيابة أنه مقدرش يدفن الجزء السفلي ودي الغلطة الوحيدة، لكن الشرطة كان ليها الدور الأكبر في أنه مقدر يدفن الجزء السفلي واللي بيتعرض لأي شيء يبلغ سريعا الشرطة.

والد إيهاب يكشف مفاجأة عن زوجة مدرس الفيزياء

واختتم والد طالب الدقهلية، المتهم حاول يرمي الاتهامات على عم إيهاب - أخويا -، وبيحاول يخرج من الموضوع وعايز يجهز عشان يرمي متعلقات الجريمة وإيهاب في منزل عمه لتلفيق التهمة به، ومش عايزين نسترجع لحظات استخراج الجثمان، وأقول للمتهم حسبي الله ونعم الوكيل والمتهم ياخد جزائه وربنا يثلج صدورنا جميعا.

وعن زوجة مدرس الفيزياء، قال والد طالب الدقهلية، أن الزوجة ليست مشتركة في الجريمة زي ما تحقيقات النيابة قالت ولكنها عرفت بالواقعة بعدها بيوم وزي ما المحامي قال أن القانون بيعفي الزوجة من التستر على مجرم لأنها من أقارب الدرجة الأولى وأحنا ورا القانون والقضاء بكل الطرق.