كريم عبد العزيز: لما أعلنت تأييدي للرئيس السيسي اتعمل عليا حملة عالسوشيال

كشف الفنان كريم عبد العزيز، عن إصابته بالضيق والاستياء بعد تعرضه لحملة سباب وهجوم عقب فيديو إعلانه تأييد ترشيح الرئيس السيسي لولاية رئاسية جديدة.

لقاء الخميسي عن انتقادات مشهد الرقص في مسلسل الزوجة الرابعة: هو الرقص برا رمضان حلال وفي رمضان حرام؟

صلاح عبدالله: كنت أتمنى العمل مع سمير غانم في المسرح

عميل لإسرائيل 

وقال كريم عبد العزيز خلال لقائه ببرنامج "بودكاست BIGTIME" الذي يقدمه الإعلامي عمرو أديب: "أول لما نزلت فيديو تأييد للرئيس اتعمل فيَّ عمايل وكإني عميل لإسرائيل، أنا قُلت رأيي ووجهة نظري ليه التوحش وشتيمتي طيب ذنب الأب والأم إيه لما يتشتموا".

تعرض كريم عبد العزيز لوابل من الشتائم

وتابع: "أنا مش شاطر في السوشيال ميديا ومش عارف أقتحمها، وبقول للناس انتقدني عادي بس ما تشتمش أبويا وأمي ليه حالة التوحش اللي مسيطرة على الناس في السوشيال ميديا دي".

سيطرة حالة التوحش على السوشيال ميديا

ولفت: "أعتقد إن حالة التوحش اللي علي السوشيال ميديا وكثرة الشتائم والسباب السبب وراؤها  تعليم وظروف اقتصادية، أكتر شيء احنا اتأذينا منه الفترة الأخيرة تدهور التعليم، والظروف الاقتصادية القاسية والثورات".

رسالة كريم عبد العزيز لرواد السوشيال ميديا

وتابع كريم عبد العزيز: "انتقدني وقُل لي أنت ممثل فاشل يا كريم، هقول لك شكرًا، لكن تشتمني وتسبني وتسب أبويا وأمي ليه، أنا بتأثر وبزعل وبتضايق لما أشوف حد بيشتمني أو بيشتمني بالأب والأم".

تصريحات لقاء الخميسي

تحدثت الفنانة لقاء الخميسي، عن نجاح شخصيتها في مسلسل الزوجة الرابعة بطولة الفنان مصطفى شعبان، وتعاونها مع الفنانة علا غانم، بجانب التعليق على انتقادات مشهد الرقص في العمل.

لقاء الخميسي: كنت خطيرة في مسلسل الزوجة الرابعة وبستغرب نفسي 

وقالت لقاء الخميسي، خلال استضافتها ببرنامج "أسرار" مع الإعلامية أميرة بدر المذاع على قناة النهار في تصريحات رصدها موقع تحيا مصر: مسلسل الزوجة الرابعة كنت خطيرة وكنت مستغربة نفسي، ومصطفى شعبان كان حابب جدًا الشخصية وأستاذ مجدي الهواري رسم الشخصية، وكل واحدة فينا كنا أنواع فاكهة، ومكنش في غيرة بين البطلات، وعلا غانم أعرفها من أيام المعهد هي شخصيتها قوية وعايزة تبقى المسيطرة، ولكن أنا كنت بسيب ليها مساحتها وإحنا كنا كابل خطير وهي مشعة وعندها كاريزما وهي فعلًا شاطرة، وفرقت معايا وعملنا شغل جامد.

لقاء الخميسي عن مشهد الرقص في الزوجة الرابعة: ده شغلي واللوكشين كان مليان ناس 

وعن انتقادات مشهد الرقص في مسلسل الزوجة الرابعة، علقت لقاء الخميسي: المخرج كان عايز كده، وده شغل، هو الرقص برا رمضان حلال، وجوا رمضان حرام، وطبعًا اتشمت على المشهد بتاع الرقص في الزوجة الرابعة، ولما أنا بتشتم زوجي بيزعل، وده شغلي واللوكيشن مليان ناس وأنا أصلًا مبعرفش أرقص شرقي.

لقاء الخميسي: ابني مش بيتفرج على أعمالي 

وأكدت لقاء الخميسي، أن نجلها لا يشاهد أعملها، قائلة: ابني مبيتفرجش عليا خالص ومحدش بيتفرج عليا، مبيتفرجوش على عربي أصلًا مع نفسهم في عالم موازي.

وكانت قد تحدثت لقاء الخميسي عن رفضها فيلم إحكي يا شهرزاد، فقالت: اللي جوزي رفضه أنا كمان كنت هرفضه، وأنا مش واخدة على المشاهد المنفتحة الزيادة، وفيلم إحكي يا شهرزاد اتعرض عليا دور المحامية اللي كانت قصاد أستاذ محمود حميدة، وكان في مشهد على السرير واللي رشحني أستاذ وحيد حامد الله يرحمه، وقابلته وقولتله مش هقدر أعمله علشان مشهد على السرير، قالي أنتي بتهزري أنتي بترفضي فيلم لـ وحيد حامد وأنا شايفك نجمة؟ قولتله لأ أنا مش برفض فيلم لو حضرتك شيلت المشهد ده همثل، قالي مش أنتي اللي هتقولي لي أشيل إيه ومشيليش إيه.