ملحقش يتكلم.. زوجة ضحية أقاربه في الزقازيق: خلصوا عليه عشان ميعملش عليهم كبير|فيديو
ADVERTISEMENT
تطورات جديدة في واقعة مقتل شاب في الزقازيق على يد مجموعة من الشباب من أقاربه، ويرصد موقع تحيا مصر التفاصيل الكاملة والتطورات الجديدة في الواقعة.
تفاصيل مقتل شاب في الزقازيق على يد أقاربه
وقالت زوجة علاء ضحية الشباب في الزقازيق، حسبي الله ونعم الوكيل فيهم أنا عايزة حق علاء بس عشان عياله الأربعة بس، كنا قاعدين قدام الباب أنا وعلاء واخواتي وسمعنا صوت صراخ ولقى بسام والتاني بيتخانقوا مع بعض وراح يحوش بين الطرفين والاتنين أقاربه.
وتابعت زوجة علاء ضحية الزقازيق، بعد المشكلة جاله واحد قاله أنا خايف عليك وأنا هفض المشكلة بينكم، وبعها جم الحريم سخنوا الرجالة على جوزي وجه محمد قاله أنت مش هتعمل علينا كبير وهو كان بيخلص أي مشكلة وكانت الناس بتجيبه يصلح بين أي طرفين.
زوجة ضحية الزقازيق: اقاربه خلصوا عليه عشان كان عايز يحل
واستكملت زوجة ضحية الزقازيق، وبعدها جه بسام وقال لـ محمد ده علاء ضرب مراتك ومش عايزين كبير وأحنا هنحلها، وبعدها محمد ده جه وضرب علاء وقال للتاني خد قالب طوب وأخبطه على راسه وأنا هحاسب ملكش دعوة، ومحمد مسك شومة وضرب علاء بيها على راسه وقاله اخبطه عشان ميعرفش يقف تاني، وهما كانوا مصممين يقتلوه.
وأضافت زوجة علاء ضحية الزقازيق، أنا كنت واقفة وضربوه وكانوا مصممين يقتلوه مش مجرد خناقة، وشيلناه في التروسيكل ميت ملحقش يقول حاجة وسايب 4 عيال أروح بيهم فين، واخوه تعبان وأمه وأخته أروح بكل دول فين، ومحدش بيقدر عليه لأنه إرهابي، وبلطجي ومحدش بيقدر عليه وقتل علاء.
زوجة ضحية الزقازيق: علاء مات صغير وساب لي 4 عيال
واستطردت زوجة ضحية الزقازيق، فضلوا يضربوا علاء بالطوب والشوم لحد ما خلصوا عليه في الحال، ومتكلمش ومقالش حاجة ولا عمل حاجة وأنا عايزة حق علاء وعايزة الإعدام زي ما عياله اتيتموا واتمرمطوا بعد وفاته، الناس كلها كانت بتحب علاء وأبوه عنده جلطة ومرمي في البيت وأخوه تعبان أعمل أيه أنا دلوقتي.
وأكدت زوجة ضحية القازيق، هما الاتنين حسبي الله ونعم الوكيل فيهم علاء كان عنده 38 سنة ملحقش يفرح بالعيال وخلصوا عليه وجابوا اجلوا ومبقاش عندي أي حل ومش عارفة أعمل ايه، حسبي الله ونعم الوكيل فيهم، قبل ما يموت ملحقش يقولي اي حاجة قتلوه على طول ووقفوا في الشارع قالوا كلب وراح وسابوه مرمي.
جوجل نيوز
تطبيق نبض
