سرقت العفش وحرقت المكتب.. ضحية طليقته بـ الشرقية: ست غاوية جريمة|فيديو

تعرض زوج لواقعة مأساوية على يد طليقته في الشرقية، حيث قامت بسرقة منقولات شقته ثم حرضت ضده على حرق مكتبه ونفذت جريمتها، حيث اشتعلت النيران في المكتب وقام الزوج باتهام زوجته بحرق المكتب وتنظر محكمة الجنايات محاكمة المتهمة.

عاكسوا خطيبته.. شهامة شاب تنتهي بوفاته في الجيزة | القصة الكاملة

جريمة بشعة في نهار رمضان.. شخص يطلق النار على نفسه بـ الجيزة

ضحية طليقته في الشرقية يكشف تفاصيل جرائمها

قال حسام م ضحية طليقته في الشرقية لـ موقع تحيا مصر، اللي حصل أني محامي وأنا انفصلت عن مراتي من 2023 والأولاد معايا من قبل الطلاق، وفوجئت بعد الطلاق بـ 6 شهور تعرفت على متهم وحرضته على حريق مكتبي وبالفعل تم حرق المكتب والتحريات والشهود أثبتوا صحة الواقعة.

وتابع ضحية طليقته في الشرقية، كان في جلسة ليهم في شهر فبراير ودفاع المتهمين طلبوا طلبات من المحكمة والمحكمة لم تستجيب، والمحكمة قالت لهم هنأجل للمرافعة، ولما حضروا تاني طلبوا نفس الطلبات ولكن المحكمة قالتلهم هنشوف وهنتداول الطلبات ولو مش هينفع هنأجل للمرافعة.

ضحية طليقته: محكوم عليها بقضية سرقة المنقولات 

وكشف ضحية طليقته في الشرقية، أنا لما طلقتها غيابي هي راحت استولت على المنقولات اللي هي أساسا مش ملكها لأنها مستلمة المنقولات بموجب إقرار منها، ولما خدت المنقولات الخاصة بيا أنا، أنا عملت محضر والمحضر ده نزل جلسة، لأن هي سرقت شقتي أنا اللي كانت فيها منقولات خاصة بيا أنا.

واستكمل ضحية طليقته في الشرقية، لما سرقت المنقولات عملت لها محضر وقبل الجلسة قولت لها نخلص ودي وهي رفضت وصدر حكم بحبسها 3 سنوات مع الشغل وبعد الحكم عليها بـ 3 أيام قامت بتحريض المتهمين بإحراق مكتبي وإحراق أوراق هامة وأوراق موكلين.

ضحية طليقته بالشرقية: كانت بتنتقم بسبب حكم الحبس

واضاف ضحية طليقته في الشرقية، أنا وقع عليا ضرر كبير وعندي موكلين بيطالبوني بالحاجات دي والأوراق اللي اتحرقت وصلت لـ 15 مليون جنيه وأنا كل واحد ليه شيك أو ايصال أمانة واتحرقت بيطالبني بيها، وأنا في أي وقت ممكن حد يرفع عليا قضية أو يأذيني.

وأكد ضحية طليقته في الشرقية، هي كانت بتنتقم مني بسبب اللي حصل، وأنا خدت عيالي وقولت لها مش هتقدري عليهم وقالتلي ماشي خدهم وساعتها أخدت عيالي وبعدها سرقت الشقة بتاعتي وعملت لها محضر واتحبست فيها 3 سنوات وبعدها حرضت على حرق مكتبي والأوراق اللي فيه وفعلا نفذت والتحريات أكدت صحة الواقعة والكاميرات جابت المتهمين وكشفت الجريمة.