نجوى فؤاد: ندمت أني دخلت الوسط الفني.. وزعلانة من محمد السبكي جدا

كشفت الفنانة نجوى فؤاد عن ندمها على دخولها الوسط الفني، وذلك خلال لقاء لها ببرنامج حبر سري الذي تقدمه الإعلامية أسما إبراهيم ويذاع عبر شاشة تلفزيون قناة القاهرة والناس.

نجوى فؤاد: ندمانة على دخول الوسط الفني

وقالت نجوى فؤاد في تصريحاتها التي يرصدها موقع تحيا مصر: أنا ندمت أني دخلت الوسط وضحيت بأن يكون في أسرة وزوج وأولاد وأحفاد كان هيبقى عندي حاجات كتير أغنى من دلوقتي.

خلاف نجوى فؤاد ومحمد السبكي

وفي اللقاء ذاته، تحدثت نجوى فؤاد عن تفاصيل خلافها مع المنتج محمد السبكي، وقالت: محمد السبكي كان عنده فيلم لهيفاء وهبي وكلمني وهو أكتر من أخ ليا.. قالي في دور عندي مع هيفاء وهبي، وهبعتلك 4 مشاهد والباقي واحنا بنشتغل قولتله أوكيه، واشتغلت الفيلم، ومجاتنيش المشاهد التانية لقيتني بعمل الخمس مشاهد بس وطلبت فلوس بعتلي 5 آلاف جنيه ياريته ما بعتهم واخدتهم وأنا زعلانة منه أوي لو بعتلي شوية لحمة أحسن.

نجوى فؤاد: صرفت على يسرا في بداياتها 3 مليون جنيه.. وبعارض اللبس العريان

بقالي 6 شهور بتعذب.. القصة الكاملة لـ مرض نجوى فؤاد

نجوى فؤاد: قرايبي بقوا يسألوا عني عشان الورث

كما تحدثت نجوى فؤاد عن المقربين لها، وقالت: حقيقي اللي اختشوا ماتوا، اللي بيتكسفوا واللي بيختشوا ماتوا وبقولوا لناس ممكن يكونوا قرايبي، وزمان أمي كانت بتقولي الدخان القريب بيعمي، قرايبي في الفترة الأخيرة بيسألوا عليا بس نأبهم جه على شوفنة مفيش ورث هما مش بيسألوا عليا، وناس كتير كانوا قريبين مني في وقت مجدي ودلوقتي بعدوا عني، منهم بعض المنتجين مش هقول أسمائهم، جمال العدل مثلا بعتبره أخويا الصغير بضربله تليفونات كتير أوي مش بيرد عليا وأول ما تعبت كلمته وقام بالواجب أوي وجدع، وهما عيلة كويسة.