نجوى فؤاد: صرفت على يسرا في بداياتها 3 مليون جنيه.. وبعارض اللبس العريان

تحدثت الفنانة نجوى فؤاد عن موجة الانتقادات التي تعرضت لها بسبب صورة جريئة لها لصالح أحد الإعلانات، وذلك خلال لقاء لها ببرنامج حبر سري المذاع عبر شاشة تلفزيون قناة القاهرة والناس، مع المذيعة أسما إبراهيم.

نجوى فؤاد: بقالي 15 سنة بعارض اللبس العريان

وقالت نجوى فؤاد في تصريحاتها التي يرصدها موقع تحيا مصر: الانتقاد يرجعلي أنا لأني بعارض بقالي 10 أو 15 سنة اللبس العريان زيادة عن اللزوم اللي اضافوه علينا الروسيات والراقصات الجدد وأيامي مدير الرقابة دكتور يحيى حقي كان عندي حوالي 18 سنة اقترحت عليه يتحط حاجة شيفون على البطن تشد الوسط وتبقى الممنوع المرغوب وميبقاش الجسد عاري.

وتابعت: فقالي تفكيرك أكبر من سنك فقولتله أنا رأيي كدا لو حضرتك عاجبك نفذه وأنا أول واحدة هعمله، وانتقدوني عشان الصورة دي، الصورة دي لإعلان لوزارة السياحة عشان مصر ومكنش بايدي، فالناس بتقول منين أنتي بتنقدي دا وبتقولي كدا عيب وميصحش ومنين بتعملي صورة زي دي، ليهم حق أنهم ينقدوا لكنهم مش عارفين القصة ايه ومش عارفين أني بعمل حاجة للبلد.

نجوى فؤاد: يسرا اتخلت عني

وفي اللقاء ذاته، كشفت نجوى فؤاد عن تخلي الفنانة يسرا عنها، فقالت: يسرا اتخلت عني ودلوقتي لما بتسمع أني مريضة وأنا بعيد عليها بفويس بترد عليها بفويس بتقولي كل سنة وأنتي طيبة وازايك وازاي صحتك وبس ومش بتطمن عليا الا ما أكون تعبانة، وأنا صرفت على يسرا في بداياتها 3 مليون جنيه ومابتسألش عليا ولو جات عرضت عليا 3 مليون جنيه دلوقتي مش هوافق عشان هتعب إنسانيا ونفسيا.. عايزة احتاج لربنا مش لإنسان.

بقالي 6 شهور بتعذب.. القصة الكاملة لـ مرض نجوى فؤاد

فيفي عبده: نجوى فؤاد رقصت في فرح جوزها.. وندمت على الهروب من بيت أهلي

نجوى فؤاد: بقالي 6 شهور بتعذب

وسبق وأن كشفت الفنانة نجوى فؤاد عن تعرضها لوعكة صحية مفاجئة، مشيرة إلى تدهور وضعها المادي بسبب عدم وجود معاش لها، وذلك من خلال مقطع فيديو نشرته المذيعة سهير جودة عبر حسابها الشخصي على موقع التواصل الاجتماعي فيسبوك.

وقالت نجوى فؤاد في مقطع الفيديو: مفيش حد من الفنانيين ولا النقيب سأل فيا، بقالي 6 أشهر بتعذب ومليش معاش علشان إحنا موظفين بالقطعة، مفيش أي حاجة للفنان خالص، الواحد ضيع عمره ببلاش، دكتور أشرف زكي قالي المعاش أعتقد 600 جنيه، قولتلهم ده أنا بديهم للبواب، الرحمة من عند ربنا ولازم يدوا الفنانيين أكتر من اللي بياخدوه دلوقتي كتير، لأن إحنا خدنا ملاليم وهما بياخدوا ملايين، لازم يساعدوا الناس الغلابة اللي مش قادرة تجيب مضاد حيوي علشان تتعالج، لازم يبقى لينا حل.