رامز جلال عن عبدالله السعيد وكهربا: واحد كل شوية يعمل بلاوي والتاني باع النادي أول ما شاف 40 مليون جنية

وقع اللاعبان عبد الله السعيد ومحمود كهربا ضحايا الحلقة الجديدة من برنامج رامز جاب من الآخر المذاع عبر قناة Mbc مصر.

عبد الله السعيد ومحمود كهربا ضحايا رامز جاب من الآخر 

وقال رامز جلال عن عبدالله ومحمود كهربا في تصريحات يرصدها تحيا مصر: واحد كل شوية يعمل بلاوي والتاني باع النادي أول ما شاف كرتونة ال 40 مليون جنية.. هرب من النادي النافس لي عشان نادي الجزيرة، واللي قال انا كل قرش يجيلي انا اولى بي، أنا جايبهم عشان يكونوا عبره لكل شباب الجيل، واللي عقوده متسربه ومشاكله متعرقبه.

رامز جلال يسخر من إطلالة عبد الله السعيد ومحمود كهربا 

وسخر رامز جلال من إطلالتهما قائلًا: قميص دا ولا مريلة مطبخ..  دقن كهربا دقن مساجين وجزمته كأنه داس بيها في دقيق.

مقلب رامز جلال 

وكانت وقعت عارفة عبد الرسول أيضًا ضحية مقلب رامز جلال وقالت عبر حسابها الرسمي بموقع التواصل الاجتماعي فيسبوك على هذا الأمر: اتصلت بيا واحدة وبكل الحب قالتلى احنا بنفتخر بيكى ونفسنا تحضرى معانا افتتاح محل فى البوليفارد.

وتابعت: من فرحتى مسالتش محل ايه لان كان نفسي اروح السعوديه وكل اللى شغلنى الوقت وزنقه رمضان بس البنت كانت شاطره وعرفت تدبر الميعاد، خلص تصوير واطلع ع المطار الحق اخر طياره افتتح المحل واطلع ع المطار...كده يعنى صد رد ولكم ان تتخيلوا الارهاق والتعب.

وأضافت: من اول ماحطيت رجلى فى المطار وانا باعامل كملكه..خدمه مرحبا وكبار زوار وحوسه....وصلت اخدتنى عربيه فارهه الى فندق هيلتون الرياض ونزلت فى حته نتفه سويت يجرى فيه الخيل وكل حاجه تاتش بقيت خايفه المس حاجه تفرقع فى وشى...الروم سيرفز كل شويه يخبطوا جايبين تحيه من مدير الاوتيل وكارت بالانجليزى معناه ان اداره الاوتيل فى غايه الانفشاح لاستقبالي.

واستطردت: افتح التليفزيون الاقى صورى بفيديو لطيف وقد ايه احنا مش مصدقين انك معانا...تخيلوا معايا بس الحاله اللى انا فيها...الصبح جم بنات كوافير وماكيير والبنت اللى اتصلت بيا واسمها شريفه...بقت تسالنى اسئله عرفت بعدين انها بتشوف شغلها...اطمنت عليا لانى جايه من تصوير واصرت انى اطاطلب اكل واكل قبل ماننزل.

تعرف على ضحايا الحلقة 5 من برنامج رامز جاب من الآخر

ضحايا الحلقة 6 من برنامج رامز جاب من الآخر

وأردفت: وصلت قابلتنى المذيعه الجميله كارلا المريحه للعين والقلب وخضت تجربه السهم والخيل وانا فرحانه وقصيت الشريط بمقص تحفه ودخلت ع المطعم اللى كل حاجه فيه بتلمع قوى والشياكه والجمال وانا بازداد سعاده وفرحه مافرحتهاش عمرى ...ووصل الشيف الكبير هو انا فعلا استغربت شكله وقولت لنفسى انه شبه الارهابيين اسود.