جت لعمتي في المنام.. حفيد سيدة سوهاج: ابن عمي قتلها وقلعها هدومها وسابها في الحمام|فيديو

واقعة مأساوية ومثيرة شهدتها محافظة سوهاج، حيث اقدم شاب في العقد الثاني من العمر بخنق جدته حتى الموت لسرقتها، ثم مثل بجثتها ووضع سيناريو حتى تظهر الوفاة طبيعية، ويرصد موقع تحيا مصر التفاصيل الكاملة في الحادث.

كان بيبكي عليه بالدموع.. والدة ضحية والده بـ سوهاج: مرحمهوش | فيديو

مش هيشتم تاني.. خال كروان مشاكل في أول ظهور له يكشف مفاجأة

307 حالة منذ إنشائها.. هيئة التأمين الصحي بسوهاج تكشف عدد عمليات زراعة قوقعة للأطفال بالساعات الماضية

أسرة فرحة من سوهاج تكشف تفاصيل تغيبها من منزل زوجها

القصة الكاملة لـ مقتل سيدة على يد حفيدها في سوهاج

وقال حفيد المجني عليها في سوهاج لـ موقع تحيا مصر، أنا ساكن مع جدتي في نفس البيت، والدي اتصل بيا يوم الخميس وقالي جدتك مش موجودة في السوق، وهي متعودة تنزل كل يوم خميس السوق وتروح تشتري مستلزماتها وترجع، ولما روحت عند البيت أشوفها ملقتهاش وسمعت صوت تليفونها في البيت، والباب مش مقفول.

وتابع حفيد المجني عليها في سوهاج، والدي اتصل بعمتي وقالها على اللي حصل، وراح دخل الشقة من البلكونة ولقاها ميتة في الحمام، طبعا قولنا كانت بتستحمى وده قضاء وقدر والحمد لله واللي حصل، ويوم الواقعة بصوا على ستي في السوق مكنتش موجودة وقالي ارجع البيت شوف ستك راحت فين، ولما روحت ملقتهاش.

حفيد سيدة سوهاج: جت لـ عمتي في المنام وقالت لها

وأضاف حفيد ضحية سوهاج، طبعا شلناها وكان في جرح ورا ودانها وكان في نزيف وجبنا دكتور وقال النزيف اللي أدى للوفاة، وطلعنا تصريح الدفن وغسلنا ونزلنا الأمانة في المقابر، ويوم العزاء بالليل عمتي كانت نايمة مكان ستي في الصالة جاتلها ستي في المنام قالتلها يابنتي أنا اتقتلت ومش ميتة موتة طبيعية.

وكشف حفيد ضحية سوهاج، أحنا كلنا قولنا أن الموت كان طبيعي ومحدش كان عنده خوانة لأي حاجة، لكن لما جت لـ عمتي في المنام وقالتلها أنا مقتولة يابنتي، وبدأنا ندور بقى لحد ما كانت المفاجأة بالنسبة لينا كلنا أن حفيدها هو اللي قتلها، وكلنا مكناش مصدقين إزاي ده حصل.

حفيد سيدة سوهاج: قتلها وعمل سيناريو عشان ميتعرفش

وأكد حفيد ضحية سوهاج، لما جت لعمتي في المنام وقالت لها يابنتي أنا مقتولة، وبدأنا نراجع كاميرات الشارع وحوالين البيت وأكتشفنا أن في حد نط على البيت وقعد 3 ساعات ونصف جوه، ولما قعدنا ندور على فلوسها وحاجتها مش موجودة، طيب هدومها هي دخلت الحمام عشان تستحمى فين الهدوم ملقناش.

واستكمل حفيد ضحية سوهاج، بلغنا الشرطة باللي حصل وبدأت التحريات وتوصلت أن الشخص اللي دخل ده ابن عمي، وعنده 18 سنة والمجني عليها جدته، واتاخد في القسم بعد ما اتأكدوا انه هو، لأنه ظهر في الكاميرات وهو بينط على بيت جدتي وفضل جوه 3 ساعات ونصف وسرقها وخلص عليها.

حفيد سيدة سوهاج: نفسي يتعدم لأنه مش حديث سن

وعرفنا من التحريات أنه دخل على جدتي وخنقها وبعدها شدها على الأرض لحد الحمام وقلعها هدومها وفتح عليها المياه وحط عليها صابون وبعدها سابها تقع على الأرض عشان تتخبط في الأرض، طبعا محدش يصدق أن حفيد يعمل كدة في جدته لكن ده اللي حصل مع جدتي.

وأضاف حفيد ضحية سوهاج، ستي عندها 86 سنة وكانت بتروح له مشوار عشان تجيب له الأكل وأمه تطرده وفي الأخر يعمل فيها كدة، واحد زي ده إزاي ميتعدمش بعد اللي عمله ده، إزاي ده حديث سن ومستغرب إزاي هو اللي يعمل كدة في جدته اللي كانت بتحبه.