صوابعه راحت.. ضحية الألعاب النارية في الغربية: مش هعمل كدة تاني|فيديو

تعرض طفل في الغربية لحادث مأساوي نتيجة انفجار صاروخ - العاب نارية - في يده بعدما قام بشرائه من أحد المحلات وأشعل فيه النيران في منزله مما تسبب في إصابته بإصابات بالغة في أصابعه، ويرصد موقع تحيا مصر قصة مالك ضحية الألعاب النارية في الغربية.

لسه عريس وبنته شهور.. شقيقة ضحية القهوجي في طنطا: أقول لبنته ايه|فيديو

للانتقام منه.. 5 شباب يشعلون النيران في طالب جامعي بالغربية

كان صايم.. مصـرع شاب  في مشاجرة بالغربية

ننشر اسماء 12 مصاب فى حادث تصادم سيارتين بالغربية

ضحية الألعاب النارية في الغربية يروي المأساة

وقال مالك ضحية الصاروخ في الغربية لـ موقع تحيا مصر، أنا عندي 11 سنة من مركز المحلة، أنا مش هعمل كدة تاني ولا هولع صواريخ واللي حصل أني كنت رايح أشتري حاجات المعهد الكشاكيل والأقلام وبتاع المكتبة قالي في صواريخ نازلة جديدة بتفرقع بصوت عالي قالي تشتري واحد قولت له ماشي، وخدته وروحت البيت وكنا المغرب.

وتابع مالك ضحية الألعاب النارية في الغربي، قعدت على الانتريه ومسكت ولاعة قعدت العب بيها ومرة واحدة شبطت راحط عند الشاشة وخوفت تولع في البيت روحت أمسكه عشان ارميه راح فرقع في ايدي، ومحستش يأيدي، وحسيت بتنميل وبشوفها لقيت دم وروحت لأمي قالتلي أغسلها بس، وبعد ما غسلتها شوفت إيدي قعدت أصوت روحت غطيتها وفضلت تصوت وتنادي الناس في الشارع

مالك: اشتريت صاروخ وفرقع في أيدي

واضاف ضحية الألعاب النارية في الغربية، روحت للدكتور جنب البيت وكان صوباع واقف على حتة وصوباع تاني في عقلة راحت، وصوباع تالت اتفتح، وساعتها الدكتور قال لنا روحوا لدكتور تاني وساعتها قالوا الموضوع عايز عمليات، روحنا على المستشفى، والصاروخ ده كان لونه أحمر وطويل وأشتريته بـ 3 جنيه، وهو موجود في كل حتة وبيتباع في كل حاجة وأنا أول مرة السنة دي أشتريه، والجيران بتشتريه والعيال بتفرقعه وأنا مكنتش أعرف حجم الضرر بتاعه

واستكمل ضحية الصاروخ في الغربية، أول ما الصاروخ انفجر محستش بصوابع إيدي وحطيت إيدي جنبي وأنا مش عارف إيه اللي حصل، وبعدها بثواني لقيت الدم ولقيت صوابعي اتقطعت، وبعدها دخلت العمليات وعملولي عملية في صوابعي ودلوقتي في صوباعين بس اللي تمام والتالت لحقوه وفي اتنين اتقطع فيهم عقل.

شقيق ضحية الألعاب النارية: لقيته غرقان في دمه وأيده متقطعة

فيما قال شقيق مالك، أنا كنت شغال لقيت والدتي بترن عليا وبتصوت وخدت بعضي وجريت ولما روحت لقيت مالك غرقان في دمه قولتلهم أيه اللي حصل قالولي كان بيلعب بصاروخ وفرقع في إيده، وخدته على الدكتور أول ما شوفت إيده انهرت من العياط والدكتور قالي مش هقدر أعملك حاجة لازم تروح لدكتور متخصص، ووصفلي دكتور ولما روحت له كان كف إيد أخويا دم وصوابعه بايظة خالص وأحنا متابعين مع الدكتور وحصل لمالك بتر في صوابع وخياطة في صوابع تانية.

وقال الدكتور المختص بحالة مالك ضحية الألعاب النارية في الغربية، أنا لقيت التمريض بيتصل وبيقولي في طفل بيعاني من إصابات وتم استدعاء أخصائي جراحة التجميل وتم تصوير الحالة وعمل اشعات ولما دخل المركز كانت ايده كلها دم، ولقينا أن في عظام في الأيد مفتتة وأن في صوابع واقفة على حاجات بسيطة ودخل العمليات فورا وتم بتر أجزاء من صوابع، وخرج من غرفة العمليات بعد 3 ساعات تقريبا.