لسه عريس وبنته شهور.. شقيقة ضحية القهوجي في طنطا: أقول لبنته ايه|فيديو

تطورات مفاجأة وتفاصيل مثيرة في مقتل إسلام ضحية طنطا في الغربية، حيث تبين أن المجني عليه تم قتله على الإفطار في شهر رمضان على يد بعض الأشخاص في مشاجرة ليس له دخل بها.

خطيبها حاول الاعتداء عليها في نهار رمضان.. القصة الكاملة لـ فتاة الخليفة

نجاة مصطفى شعبان.. القصة الكاملة لحريق ستديو الأهرام في الجيزة|فيديو وصور

تفاصيل مقتل إسلام ضحية طنطا

وقالت شقيقة إسلام ضحية طنطا لـ موقع تحيا مصر، أنا كنت في شغلي وماما كلمتني قالتلي الحقي اخوكي بيتخانق، وكلمت مراته قولتلها هو اتخانق مع مين قالتلي مش عارفة حاجة، وعرفت أنه راح قبل الفطار عند خالتو عشان يديها فلوس وطبعا خالتي مرضيتش تنزله من غير ما يفطر معاها، ومفروض أنه يمشي بعد الفطار وخلاص.

وتابعت شقيقة ضحية طنطا بمحافظة الغربية، ايه اللي حصل أو انه يتخانق أو حاجة تستدعي أنه يروح فيها، هو مش رايح لخناقة ولا مستعد لها ولا هو في حاجة، طيب حصله كدة إزاي إحنا منعرفش، والقاتل صاحب قهوة وأحنا مش فاهمين ايه اللي حصل، واللي حصل كانت مشادة يعني ميحصلش مشاجرة.

شقيقة ضحية طنطا تكشف تفاصيل مقتله

وأكملت شقيقة ضحية طنطا، ايه اللي حصل وقتها أن أخويا ماشي ومروح بيته أحنا مش فاهمين ومش عارفين، والمفروض أن أخويا مالهوش اي علاقة بـ الخناقة دي، ومكنش في تجمع اصلا ولا مشاجرة وكلنا شوفنا فجأة انه اتقتل، وكلنا مستنين نعرف حقه هيتاخد إزاي أو ايه اللي حصل من التحقيقات.

وأضافت شقيقة ضحية طنطا، أخويا بيقعد في قعدة رجالة بيفض مشاجرات بالدين والقرآن لكن عمره ما اتخانق ولا جه شكوى عنه، ومالهوش في الخناقات ولا بيتخانق، من أول شغل بيشتغله ومحدش شاف حاجة وهي متعرفش غير أنه نزل ومروح وكل حاجة حصلت في لحظة ومحدش فينا فاهم حاجة مستنين التحقيقات تقول.

شقيقة ضحية طنطا: مش عارفة أقول لبنته ايه

وأكدت شقيقة ضحية طنطا، مكنش في مشاجرة أصلا ولا حاجة حصلت محدش يعرف غير إسلام أخويا بس، وهو لسه عريس جديد وعنده ابنه 7 شهور، وأنا مشوفتش أخويا ومحدش بيقولنا حاجة أحنا عايزين حق إسلام وعايزين القصاص، عايزين القصاص لأبني مينفعش أروح ادفنه ونفسي إسلام يرجعلي وأنا رايحة بقول يارب يكون متعور بس.

واختتمت قائلة «بنتك اللي اتيمت ياإسلام حسبي الله ونعم الوكيل فيهم وأنا مستنية أعرف حق أخويا ومستنية إعدام في اللي عمل كدة، ايه ذنب بنته ومراته يعيشوا كدة وإيه ذنبي وهقول لبنته ايه لما تكبر واقولها ده اللي خلاكي يتيمة لازم لما تكبر تعرف أن اللي حرمها منه مش موجود».