والدة محامي كفر الشيخ: ابني الكل بيحلف بأخلاقه وخلصوا عليه في رمضان|فيديو

تطورات مفاجأة وتفاصيل جديدة في واقعة مقتل محامي كفر الشيخ حيث التقى موقع تحيا مصر مع والدة محمود ضحية كفر الشيخ والتي كشفت تفاصيل مثيرة في الحادث.

قالت والدة ضحية كفر الشيخ، أنا لقيت جارتي بتخبط وبتقول مخنوق وأنا مش عارفة، وقومت أجري على السكة قالولي أبنك أحمد مخنوق لكن لقيت أحمد وبعدها قالي محمود هو اللي معاه المشكلة، وخرجت أجري وراه ولكن لقيت في الأخر محمود هو اللي مات وودوه المستشفى في المنصورة.

الداخلية تضبط قضية غسل أموال بـ 50 مليون جنيه

عاكسوا خطيبته.. شهامة شاب تنتهي بوفاته في الجيزة | القصة الكاملة

تطورات وتفاصيل جديدة في قضية رشوة وزارة الري

رئيس الحكومة و3 وزراء يتفقدون حادث حريق استديو الأهرام بالجيزة|صور

والدة محامي كفر الشيخ ضحية موكله تكشف تفاصيل 

وتابعت والدة ضحية كفر الشيخ، حسبي الله ونعم الوكيل فيهم أنا عايزة أعرف ليه يعملوا فيه كدة، وكان الكل بيحبوا ومحدش كان بيكرهوا طيب ليه يحصل فيه كدة محدش كان بيكرهه وأول قضية كسبها إثبات نسب ببلاش وحط 8 آلاف جنيه من جيبه وكانت أول قضية ليه وكسبها.

وأكدت والدة ضحية كفر الشيخ، أسال أي حد عن محمود أخلاقه حلوة، محمود أبوه مابيندهش غير ويقول أستاذ محمود، ومحمود عنده 3 بنات وولد والعيال لسه متعرفش باباهم، غير الكبيرة اللي في أولى إعدادي، أطفال وأبوهم راح وأنا عايزة حق ابني ونفسي القصاص الحق بس.

والدة محامي كفر الشيخ: آخر مرة شوفته كان بيصلي العشاء

وأضافت والدة ضحية كفر الشيخ، محمود كان بيتوضأ وبيصلي العشاء ودخلت أنام عشان اصحى قبل الفجر وأصلي ودخلت أنام وأبوه نايم في الصالة ومعرفش ايه اللي حصل لكن ابوه خرج وراح له وأنا بعدها روحت أشوفه، أنا أخر مرة شوفته ساعة الفطار، وقال اعملك شاي ياابويا قاله ايوة يامحمود أعملي الشاي.

وكان نقيب المحامين في كفر الشيخ أعلن أن وفدا من النقابة يتابع بشكل لحظي سير التحقيقات الخاصة بحادث مقتل المحامي محمود الجريدي على يد بلطجية خلال أداء عمله، حيث تتواصل فرق الدفاع مع رجال المباحث لمتابعة جهود ضبط المتهم ولقاء القبض عليه.

تفاصيل كشف ملابسات مقتل محامي كفر الشيخ

لقى محامي مصرعه بعيار ناري في طريق عام أطلقه بلطجي عليه خلال عودته من تحرير محضر بمركز شرطة بلقاس بمحافظة الدقهلية رفقة أثنين من الموكلين بقرية روس الفرخ التابعة لمركز بيلا في كفر الشيخ، حيث تلقي اللواء إيهاب عطية، مدير أمن كفر الشيخ، إخطارًا من مأمور مركز شرطة بيلا يفيد بتلقي المركز إشارة من مستشفى بلقاس المركزي بمحافظة الدقهلية بوصول محمود محمد أحمد الجريدي، محام، في نهاية العقد الثالث من العمر، ويقيم بقرية روس الفرخ التابعة لمركز بيلا، مصابًا بطلق ناري في الرقبة، وتوفي متأثرًا بإصابته.

انتقل ضباط مباحث مركز شرطة بيلا إلى مستشفى بلقاس المركزي، وبالفحص المبدئي تبين أن المحامي المجني عليه أنه توجه مع أحد موكليه إلى مركز شرطة بلقاس لتحرير محضر ضد بلطجي، وخلال عودته في الطريق مستقلا سيارته مع أثنين من الموكلين استوقفه البلطجي عند مدخل قرية روس الفرخ وأطلق تجاه المحامي عيارًا ناريًا من سلاحه استقر في الرقبة، وفر هاربًا مع اثنين آخرين.