خنقها على سجادة الصلاة.. والدة ضحية زوجها بـ كفر الشيخ: ارجعي نفسي أشوفك | فيديو
ADVERTISEMENT
تطورات مأساوية ومثيرة في واقعة ضحية زوجها في كفر الشيخ، حيث كشفت والدة هيام ضحية زوجها في كفر الشيخ لـ تحيا مصر تفاصيل مثيرة ومروعة في الحادث.
والدة هيام ضحية زوجها تكشف تفاصيل مأساوية
وقالت والدة ضحية زوجها في كفر الشيخ لـ تحيا مصر، أن زوجها كان يعتدي عليها ويغتصبها يوميا، وأن ابنتها الضحية كانت تعاني من أفعال زوجها، حيث كان يعطي لها أموال لا تكفي إلا لشراء قطعة فراخ واحدة وتضعه له، ثم تأكل هي الأرز والشوربة فقط.
وتابعت والدة ضحية زوجها في كفر الشيخ، قبل وفاتها بيومين كانت هيام في منزل والدها غاضبة، وحضر زوجها وكان يقبل قدميها للعودة، ونظرت إلى وطلبت مني العودة لمنزلها برفقة زوجها حتى لا يقال أنها خربت بيتها.
والدة ضحية زوجها في كفر الشيخ: حسبي الله
وأكدت والدة ضحية زوجها في كفر الشيخ، عادت إلى منزلها وشاهدت السكينة أسفل المخدة في غرفة النوم، وشالتها وبعد ذلك قام بخنقها أثناء الصلاة، حسبي الله ونعم الوكيل هي معملتش فيه حاجة وحشة، نفسي أشوف وشها تاني وكان نفسي أفرحها كانت على طول حزينة.
وأضافت والدة ضحية زوجها بـ كفر الشيخ، كانت شغالة في بيت حماتها وطالع عينها ولما تيجي غضبانة يجوا يصالحوها ويقولوا خلاص متخافيش أحنا هنربيه وياخدوها من هنا، يطلعوا عينها في الشقة تحت عند أمه وبعدها تطلع فوق يضربها.
والدة هيام: كانت شايفة الغلب والهم معاه
وأستطردت والدة ضحية زوجها بـ كفر الشيخ، بنتي كانت شايفة غلب هناك في بيت جوزها وتحكي لأختها ومتحكليش عشان كانت عايزة تعيش، وتقولي ظبطيلي يا أمي الأوضة هنا عشان أجيلك، بنتي 27 سنة صغيرة لسه مفرحتش بـ شبابها، ونضيفة وتخلي شقتها نضيفة.
وأكملت والدة هيام ضحية زوجها في كفر الشيخ، كان بيشتغل ويرجع يديها 50 جنيه، طيب يجيبوا ايه وكانت بتفضل طول اليوم في بيتها تعمل كل حاجة وكانت عايزة تحافظ على بيتها وتعيش، لكن هو مكنش بيقولها كلمة واحدة كويسة وكان بيطلع عينها وهي عاملته بكل الطرق بالحنية والعصبية وكل الطرق لكن هو مفيش فايدة فيه، 10 سنين متجوزاه لكن 5 سنين في الغلب وديما كانت عينها حزينة.
جوجل نيوز
تطبيق نبض
