بشتري كفني كل سنة وبعترف بالجواز العرفي.. أبرز تصريحات فيفي عبده مع أسما إبراهيم

حلت الفنانة فيفي عبده اليوم الأربعاء ضيفة على برنامج حبر سري الذي تقدمه الإعلامية أسما إبراهيم ويذاع عبر شاشة تلفزيون قناة القاهرة والناس، وأثناء الحلقة تحدثت فيفي عبده عن الكثير من الأمور التي تخص حياتها الشخصية والفنية لأول مرة أمام الجمهور.

أبرز تصريحات فيفي عبده في برنامج حبر سري

ومن أبرز تصريحات فيفي عبده في برنامج حبر سري والتي يرصدها موقع تحيا مصر:

• ضربت الراجل اللي اتحرش بيا في تصوير فيلم
• اتطلقت مرة عشان جوزي جابلي نمر وكان عمال يضحك عليا عشان كنت خايفة
• بشجع تجميد البويضات لأنها فرصة عشان في أي وقت تقدر تجيب بيبي
• لولا نجوى فؤاد مكنتش بقيت أنا فيفي عبده.. الست دي خيرها على الناس كلها، وأي حد يتكلم عنها باكله

فيفي عبد في برنامج حبر سري

• الناس بتفلسع واحد ورا التاني، لازم افكر في التربة، والدنيا مهما لفت دا شيء لابد منه
• خوفت من الكورونا روحت أعيش في الترب، عشان اشوف أنا هنام فين
• أنا كفني كل سنة بشتريه من السعودية ومش كاتبة وصية ومعديش حاجة اقولها
• أنا رأيي اللي يموت دا مايشلش ولا تعريفة
• مقبلش اكون زوجة تانية.. بعترف بالجواز العرفي

فيفي عبده تعلق على أحداث غزة

وعلى صعيد آخر، كشفت فيفي عبده عن آلماها بسبب ما يحدث في غزة خلال الفترة الحالية من قتل مستمر للأطفال والنساء وتعرضهم لإبادة جماعية على يد الكيان الصهيوني الاسرائيلي، وذلك من خلال فيديو شاركته عبر حسابها الرسمي بموقع تبادل الصور والفيديوهات انستجرام.

فيفي عبده: موافقش أن حفيدتي تبقى رقاصة.. والرجالة كلها بتخون

برنامج حبر سري| فيفي عبده: وفاة أخواتي كانت خنجر في قلبي.. وبيجيلي عرسان كتير

وقالت فيفي عبده في الفيديو الذي نشرته عبر موقع انستجرام: سجلت فيديو قبل كدة وقولت قلبي كله مع غزة بس زودوها اوي حرام عليهم اللي بيعملوه ده احنا بنبكي دم في البيوت.. ليه كدا ده طار وبتخصلوه مثلا ولا ايه.. الفلسطينيين دول مش أهلنا بردو ليه كدة مش حرام.. احنا بنشوف اللي مش ممكن نشوفه لكن توصل أن الكلاب تاكل جثثنا حرام عليكم ربنا مابيسبش وهياخد حقهم أن شاءالله تالت ومتلت.