حسام عاشور: بركات مبيفرقش معاه رمضان.. وإينو بيعشق الكنافة والقطايف

كشف حسام عاشور لاعب الأهلي السابق، عن طقوسه في شهر رمضان الكريم، أثناء تواجده في المارد الأحمر وحتى بعد الاعتزال. 

أيمن الكاشف معلقًا على مباراة الأهلي والبنك في الدوري

على رأسهم الشناوي وياسر إبراهيم.. تعرف على غيابات الأهلي أمام البنك

تصريحات حسام عاشور عن بركات وإينو وطقوسه في شهر رمضان 

وقال حسام عاشور في تصريحات إذاعية مع إبراهيم عبد الجواد: «كان فيه ماتش الأهلي والزمالك اللي كان بيتلعب الجونة كان في رمضان وفطرنا فيه وندمت بعدها واحنا على الفطار». 

وأضاف حسام عاشور: «اكيد الصيام كان بيأثر عليا وانا بلعب فعشان كده فطرنا اليوم ده وندمت بعدها جدًا». 

وواصل حسام عاشور: «محمد بركات مكنش بيفرق معاه رمضان كان على طول ضحك وهزار لكن في الملعب كان بيبقى مركز اوي، على عكس وائل جمعة اللي كان على طول مركز مبيضحكش ووشه دايمًا مكشر بتختلف من واحد لواحد». 

وتابع: «اما كنت بلعب في شهر رمضان مكنتش بقعد في البيت كتير، واما اعتزلت بقى عندي الوقت اني اقعد مع مراتي وولادي». 

وأوضح: «معتز إينو كان بيخربها كنافة وقطايف في رمضان، وكان ساعتها الميزان اللي زايد كيلو بألف جنيه واللي كان عامل القرار ده الكابتن حسام البدري». 

وعن أكثر وجبة يحب تناولها في شهر رمضان قال عاشور: «بحب جدًا أكل صنية البطاطس بالفراخ من مراتي بتبقى ليها طعم تاني خالص». 

وكشف حسام عاشور عن طقوسه في شهر رمضان: «بقعد مع مراتي وولادي في البيت، ويومي في رمضان بصحى أقرأ قرآن واصلي، أول يوم لازم افطر عند امي وتاني يوم عند حماتي». 

وواصل: «قبل ما اروح الأهلي كنت بلعب دورات رمضان كتير قبل الفطار بس كانت احلى حاجة في الدنيا، وبعد ما روحت الأهلي قللت الكلام ده». 

وكشف عاشور عن أكثر زميل له حتى الآن: «شهاب الدين لسه صاحبي من زمان.. شهاب مبيحبش حد ينتقده او يضغط عليه وخد قرارات كتير مش صح». 

واختتم: «إياد إبني عنده 14 سنة وهيطلع لاعيب كورة محصلش، مبيخافش من حد وطالع احسن مني في الكورة».