اعترافات المتهم بقتل صديقه بسبب خلافات على مكان الصيد بالغربية

حصل موقع تحيا مصر  على نص اعترافات المتهم بقتل صديق الصياد  سامح الزغبي بـ الغربية،  ذبحا باستخدام سلاح ابيض، بعد ان قام بتخديره وتقييده، والقاء جثته في احد المصارف بسبب خلافات على مكان الصيد، بإحدى قرى مركز المحلة الكبرى، بمحافظة الغربية.

اتغدى معاه واستدرجة.. أسرة الصياد ضحية صديقه بـ الغربية: قتله ورجع شرب شاي|فيديو

فقدت أصابعي.. مالك من الغربية: لابد من منع الألعاب الخطيرة من الأسواق|فيديو

اعترافات المتهم بإنهاء حياة صديقه في الغربية

واكد المتهم فى اعترافاته امام النيابة العامة، والذى ارشد فيها عن مكان الجثة " اللى حصل انا بصطاد سمك انا وسامح فى ترعة بسامول وسامح كان بيتفق معانا ان هو بياخد جزء من الترعة عشان يصطاد فيه واتخانقنا بالكلام مع بعض عشان سامح عاوز ياخد جزء من الترعة حقى وانا قولت له محدش هينصب شبك هنا واللى هيعمل كدا انا هقطعة وركبت المتوسيكل ومشيت لقيت سامح جه ورايا وكان بيراضينى وسعتها نهينا الكلام ان مفيش حل وقولتله مش هسيب حقى ".

المتهم بإنهاء حياة صديقه الصياد في الغربية يروي تفاصيل الواقعة

وروى المتهم فى اعترافاته " طلبت سامح في التليفون قولت له انت فين فقالى كنت بجيب دوا من الصيدلية فقلت له تعالى عشان نجيب الشبك من الترعة فقالى ماشى واتقابلنا عند المستشفى وركبت معاه التروسيكل وروحنا عشان نلف على الشبك فى الترعة ووقفنا عند المشروع بعزبة المشوبر عشان نتكلم تانى وزعقنا مع بعض وقولتله مش هتاخد حاجة من المكان بتاعى وقالى انا هطلعلك من الترعة لقيته قام مطلع مطواه بزرار وفتحها وقالى اللى هيقف فى وشى سكتى هنهيه ولقيته بيخبطنى بالبوكس بايده اللى فيها المطوه فى كتفى الشمال وزقنى بس محصليش حاجة من المطوة وقعدنا نعافر مع بعض شوية وانا قمت زقة وانا ماسك ايده فى الارض فوقع على ظهره وانا فوقه وانا ماسك ايده اللى فيها المطوه جبت فى رقبته دبحته ولقيت دم جه على ايدى قعد افوقه لكنه كان مات فقمت زقيته فى ميه المصرف وجبت عصاية متر تانية وربطه من وسطه بحبل كان معايا وغطسته عشان ميقبش عشان محدش يشوفوا لان الناس كانت عارفة ان هو معايا والمطوه سبتها مكان الواقعة وبعدها روحت بيتى فى دمتنو "

تأجيل محاكمة المتهم بإنهاء حياة صديقه الصياد في الغربية

وقررت محكمة جنايات المحلة الكبرى بمحافظة الغربية، الدائرة الرابعة، تأجيل محاكمة المتهم بإنهاء حياة صديقة الصياد بسبب خلافات على مكان الصيد،  والقاء جثته فى مياه المصرف مكان الصيد، وذلك للاستماع لرأى الطب الشرعي، و استدعاء شاهد الاثبات بناء على طلب الدفاع.