احنا أخواتكم وهنفضل ضهر ليكم.. تامر عاشور يدعم أهل غزة بأغنية في احتفالية قادرون باختلاف

قدم المطرب المصري تامر عاشور أغنية لأهالي غزة، خلال مشاركته في النسخة الـ خامسة لحفل قادرون باختلاف، التي انطلقت اليوم الثلاثاء بحضور السيد الرئيس عبد الفتاح السيسي.

كلمات أغنية تامر عاشور في احتفالية قادرون باختلاف 

وتقول كلمات الأغنية التي يرصدها تحيا مصر: إحنا أخواتكم وهنفضل ضهر ليكم في كل حاجة، ده اللي بينا يخلي مصر عشانكم تعمل كل حاجة، ده انتو قوتكم وإيمانكم هيقدر على الدنيا دي، ياما بيمر في حياتنا وتلاقينا رجعنا تاني بنفس قوتنا وثباتنا، يلا وروا الناس قيمتكم قوتكم، عرفوهم تبقوا مين، وإن روحكم في البلاد مهمات بتعدي السنين، إحنا نصبر بس حابة هي عايزة نفس طويل، بكرة شمس الدنيا تطلع دي الحياة مش بس ليل، فترة هتعدي وهتخلص وأنتم قد المسئولية، قوتكم وإيمانكم هيقدروا على الدنيا ديا.

خلافات تامر عاشور ومحسن جابر

من جانبه، قال تامر عاشور في تصريحات تليفزيونية: كان في خلافات بيني وبين محسن جابر لكن هو أب روحي للفن المصري وخرجت من المشكلة منتصر وممكن ارجع في أي وقت اشتغل معاهم تاني وصوت الفن بيتي.

وتابع: بنتي بتغني وصوتها حلو أوي لكن لا أتمنى دخولها عالم الفن ولو كبرت وحبت تكون فنانة أو مطربة مش موافق، ودي تبقى موهبة ولكن يبقى لها خطها ومستقبلها وهو اختيارها في النهاية ولكن أنا هبقى رافض.

تصريحات تامر عاشور 

ولفت إلى أن  الوسط الفني له متاعب كثير من سهر وتعطيل عن الدراسة، موضيفًا أن ابنته حال انتهاء دراستها وتفرغها سيختلف الأمر، متابعًا: أرفض دخولها الفن في الصغر ولو ولد اسيبه إنما بنت أخاف عليها.

وأوضح المطرب تامر عاشور،  تقديمه ألحان جديدة تظهر خلال أيام للفنانة شيرين عبد الوهاب، وأيضًا له عمل جديد سيصدر قريبًا لأنغام، كما أشار إلى موافقته تقديم الحان جديدة للمطرب فضل شاكر وأنه ينظر له كفنان.

وأشار تامر عاشور، إلى أنه يخاف من النسيان والتراجع ليس لسبب إلا خوفًا من تحول صناعة الموسيقى وتظهر أمور جديدة أو تتراجع الموسيقى التي يقدمها ولا تواكب السوق، قائلًا: بخاف ديما أن يكون المزيكا بتاعتي تبقى مش مواكبة وده بخاف منه من أول طريقي.

واستطرد: لو جالي أي واحد مؤدي مهرجانات وطلب أغنية من ألحاني أديله لحن لو صوته كويس، وعمر كمال وشاكوش وحمو بيكا محدش فيهم بيغني اللون اللي بعمله خالص، ولو حد هيسيب حتته ممكن يبقى عمر كمال وهو اللي بيغني.

طرح تذاكر حفل تامر عاشور وأنغام على مسرح أبو بكر سالم

تامر عاشور ينتقد خيري رمضان بعد حديثه عن نجاة الصغيرة: مدرك اللي بتقوله!

وأردف: حمو بيكا حبيب قلبي ولكن إحنا بنتكلم في ألحان وغناء ولو جالي حد طلب مني مهرجانات مستحيل أوافق على المشاركة في المهرجانات.

واستكمل، تفاخرت لما دخلت الجيش لكن مقلتش أني المطرب المشهور وكنت بحاول أهرب من التجمعات في مركز التدريب وفي ناس اكتشفتني واللي عرفوني بدأوا يسعدوني وكنت بعمل كده عشان مش عايز مشاكل.

وعن هيفاء وهبي، قال: مؤدية وهي عارفة كويس ومستحيل تزعل، وهي عارفة أنها مؤدية وده يختلف عن المغني، وهيفاء وهبي هي لها شكل بتغني بيه.

واختتم تامر عاشور حديثه قائلًا: معرفش أغاني مايا دياب ولا أغنية، لكن هيفاء وهبي اشتغلت معاها وعملت لها أغنية صباحو ورد وهي عارفة أنها مؤدية.